Sultonov Xayriddin Madriddinovich


366

Tug‘ilgan sana: 1956 Yanvar 18
Tug‘ilgan joyi: Toshkent viloyati
Yo‘nalishlar: Yozuvchilar

Hozirgi o‘zbek nasrining taraqqiyotida iste’dodli adib, mohir tarjimon, yozuvchi Xayriddin Sultonovning ham munosib hissasi bor. Adibning «Yozning yolg‘iz yodgori» stsenariysi asosida kinofilm yaratilgan. O‘zbekiston Respublikasi Prezidenti devonida mas’ul vazifada ishlab kelmoqda.

Biografiya

U 1956 yil 18 yanvarda Toshkent viloyati Qibray tumaninint Tuzel qishlog‘ida dunyoga kelgan. 1963-1973 yillarda Parkent qishlog‘idagi maktabda o‘qib, uni muvaffaqiyatli tugatadi.

1973-1978 yillarda Toshkent Davlat universitetining jurnalistika fakultetida tahsil oladi.

Uning mehnat faoliyati 80-yillarda boshlangan bo‘lib, avval «Guliston» (1974-1980), «Yoshlik» (1982-1985) kabi jurnallarda, G‘afur G‘ulom nomidagi

Adabiyot va san’at nashriyotida (1980-1982, 1985-1993) faoliyat ko‘rsatadi.

1993 yildan boshlab O‘zbekiston Respublikasi Prezidenti devonida mas’ul vazifada ishlab kelmoqda.

Xayriddin Sultonov faqat iste’dodli adibgina emas, balki mohir tarjimon hamdir. Jumladan, A.Sent-Ekzyuperi, Y.Nagibin, V.Shukshin kabi adiblarning asarlarini o‘zbek tiliga tarjima qilgan.

Adibning «Yozning yolg‘iz yodgori» stsenariysi asosida shu nomda kinofilm yaratilgan.

Faoliyati

Xayriddin Sultonov ijodi 70-yillarning ikkinchi yarmida boshlangan. Adibning «Quyosh barchaga barobar» (1980), «Bir oqshom ertagi» (1983), «Onamning yurti» (1987), «Umr esa o‘tmoqda» (1988), «Boburning tushlari» (1992), «Boburiynoma» (1997), «Saodat sohili» (2005) kabi nasriy kitoblari keng o‘quvchilar ommasiga tanish.

Shuningdek, u «Changak», «Moziydan bir sahifa», «Mehrobdan chayon» kabi videofilmlar hamda «Tushlarimda ko‘rib yig‘layman» kabi badiiy filmlar stsenariysining muallifi hamdir. «Sarhovuzning bo‘ylarida» (1992) dramasini yozgan.

Xato to‘g‘risida ma‘lum qilish Translit