Абзалов ​Рем Абзалович


997

Туғилган сана: 1914 Июн 28
Вафот этган сана: 1983 Феврал 7
Тўғилган жойи: Тошкент

Рем Абзалович Абзалов (28 июнь 1914 йил Тошкентда туғилган, 7 февраль 1983 йил вафот этган) — майор, Совет Иттифоқи Қаҳрамони (1945 йил).

Таржимаи ҳол

Ҳозирги Ўзбекистон пойтахти Тошкент шаҳрида хизматчи оиласида туғилган (бошқа манбаларга кўра Татаристон Республикасининг Аластов туманининг Ўрта Балтай қишлоғида деҳқон оиласида таваллуд топгани қайд этилган). Татар миллатига мансуб. Бошланғич маълумотни у мадрасада ўқиб, бир вақтнинг ўзида колхозда ҳам ишлади. Шундан сўнг у Татаристоннинг — Қозон шаҳрига келди, Рем у ерда ишчилар факультетида ўқиди. Ўқиш билан бирга заводда ҳам тер тўкди. 1936 йил касаба уюшмаси вилоят мактабини тамомлайди.

1930-йилларнинг охирига келиб, Қизил Армия сафига қўшилди.1939-1940 йилларда Совет фин уруши иштирокчиси. Сафарбарликдан сўнг Рем Қозон авиация заводида қўмита раиси (ҳозирги Горбунов номли Авиация ишлаб чиқариш бирлашмаси) бўлиб ишлади. Сўнг Қозон давлат университетига Ишчилар факультетига кирди. 1941 йил СИКП аъзоси.

1942 йил Ремни яна иккиннчи бор Қизил Армия сафига чақиришди. У сиёсий таркиб курсларини тамомлади. 1942 йилдан бошлаб Абзалов Иккинчи Жаҳон уруши иштирокчисига айланди. У Украина, Руминия, Болгария, Югославия ва Венгрия чегаралари жангларида қатнашди. Рем Дунай дарёсини кечиб ўтди.

1944 йил 1 декабрда гвардия катта лейтенанти Рем Абзалов 116- гвардия камончилар қўшини ротасига (40- гвардия камончилар қўшинига, 4-гварлия армиясига, 3-Украина фронтига) қўмондонлик қилиб, Рем Абзалов Дунай дарёсини кечиб ўтиб, 10 километр узоқликда жойлашган Венгриянинг Пакш шаҳрида Дунапатай қишлоғида туриб жанг қилди. Қўшин бошланғич майдонни 100 тасини ишғол қилиб, 145 нафар аскарларни асирга олишди.

1945 йил 24 мартда гвардия катта лейтенанти Абзалов Рем Азаловични СССР Олий Кенгаши Президиуми Қарорига кўра, немис-фашист босқинчиларига қарши курашиш давомида жанг топшириқларини намунали бажаргани ва шунга кўра кўрсатган жасорати ва қаҳрамонликлари учун унга Совет Иттифоқи Қаҳрамони унвони берилди, Ленин ордени ҳамда “Олтин Юлдуз” медали билан мукофотланди.

Урушдан сўнг Р.А.Абзалов СССР Қуролли Кучларда ўз фаолиятини давом эттирди. 1946 йил “Ўқ узиш” курсларини тамомлади ва Туркистон ҳарбий округи қўшини қўмондони бўлди. 1950-1960 йилларда Тошкент шаҳрининг ҳарбий комиссари бўлди. Абзалов истеъфога майор унвони билан чиқди. 1983 йил 7 февралда бу ёруғ оламни тарк этди. Уни Тошкентдаги Ҳарбий Қаҳрамонлар қабристонига дафн этилди. 

Хато тўғрисида маълум қилиш Транслит