​Арзуманов Геннадий Георгиевич


1555

Туғилган сана: 1938 Январ 1
Вафот этган сана: 2017 Сентябр 23
Йўналишлар: Спортчилар

Арзуманов Геннадий Георгиевич Енгил атлетика бўйича Ўзбекистонда хизмат кўрсатган мураббий.

Арзуманов Геннадий Георгиевич 1938 йил 1 январда Тошкент шаҳрида таваллуд топган. 10-синфда ўқиб юрган вақтида “Спартак” спорт жамиятининг енгил атлетика секциясига келади. Бир йил ўтгач, Республика мактаб ўқувчилари спартакиадасида ғолиб чиқиб, собиқ Иттифоқ миқиёсида бир қатор мусобақаларда иштирок этган. 1964 йилдан Ўзбекистон енгил атлетика федерацияси аъзоси бўлиб, тўрт марта федерация вице-президентлигига сайланган. 

1964-76 йилларда республика ёшлар терма жамоасига катта мураббий сифатида иш юритган. 

1980-1998 йиллар мобайнида Олимпия ўйинлари ҳакамлар ҳайъатининг аъзоси ва раиси бўлган. 1985 йилда спорт бўйича фахрий ҳакам унвони билан тақдирланган. 

2000 – 2001 йилларда Ўзбекистонда энг яхши ҳакам унвонига сазовор бўлган.

Геннадий Арзуманов ҳозирги пайтдача енгил атлетика бўйича Марказий Осиё мамлакатлари спорт ҳакамлари Ассоциацияси раиси ва Осиё ҳакамлар Ассоциациясининг техник расмий вакили эди.

Енгил атлетика бўйича Ўзбекистонда хизмат кўрсатган мураббий Геннадий Георгиевич Арзуманов 2017 йил 23 сентябрда 80 ёшида вафот этди.

Геннадий Георгиевич спортчиларга хос соддадил, камтарин инсон, матонатли спортчи, шу билан бир қаторда ҳамкасбларига нисбатан доимо меҳрибон ҳамда ғамхўр инсон сифатида ҳурмат ва обрўга эгадир.

Хато тўғрисида маълум қилиш Транслит