Фаткулин Камил Маҳмудович


1438

Туғилган сана: 1957 Июл 1
Тўғилган жойи: Тошкент вилояти
Йўналишлар: Спортчилар

Фаткулин Камил Маҳмудович 1957 йил 1 июлда туғилган.

Ўзбекистонда Хизмат кўрсатган мураббий, СССРда хизмат кўрсатган спортчи, афсонавий юнон-рум курашичи.

Камил Маҳмудович Фаткулин собиқ ССРнинг классик услубидаги юнон-рум курашчиси, СССР чемпиони ва чемпионат совриндори, Европа ва Жаҳон чемпионатлари совриндори, СССР ва халқаро тоифадаги "Спорт устаси" (1978), Ўзбекистонда хизмат кўрсатган мураббий.

1969 йилдан бошлаб кураш билан шуғуллана бошлади. 1973 йилда у СССР спорт устаси номзодлигининг нормативларини бажарди. 1975-1982 йиллар мобайнида собиқ ССР томонидан ўтказилган чемпионатларида 8 марта иштирок этди.

Ўзбекнинг забардаст курашчиси Фаткулин К.Мнинг солномасини варақлайдиган бўлсак, уч карра Жаҳон чемпионати кумуш медали соҳиби - 1977, 1979 ва 1983 йиллар, уч марта СССР халқлари ўртасида Спартакиада ғолиби шунингдек, 1984 йили Европа чемпиони бўлди.

Юнон-рум бўйича терма жамоа бош мураббийи лавозимига тайинлангандан сўнг, у бир қатор шогирдларни юқори чўққиларга олиб чиқди. 2001 йилги Жаҳон чемпионатида Дилшод Орипов олтин медални қўлга киритди, 2004 йили Афинада XXVIII ёзги Олимпия ўйинларида Александр Доктурашвили олтин медални қўлга киритди. Бу унинг спорчи ва мураббийлик карьеасидаги хизматлари эди.

2015 йилда Фаткулин Юнон-румнинг “классик” йўналиши бўйича миллий терма жамоанинг бош мураббийлигига қайтади ва 2016 йилги Олимпия ўйинларига йўлланма берувчи турнирларга шогирдларини тайёрлади.

Бугунги кунда Олимпия заҳирали спорт мактабида кураш бўйича етакчи мураббийи бўлиб фаолият юритмоқда. Ўзбекистон терма жамоаси учун муносиб шогирдларни ўғлонларни тайёрлашди мураббийларга яқиндан ёрдам бермоқда.

Ватанимиз томонидан устоз мураббий Камиль Маҳмудовични ёш авлодни ватанга мусосиб қилиб тарбиялашда қўшаётган ҳиссалари учун “Дўстлик” ҳамда “Меҳнат шуҳрати” орденлари билан тақдирланган. 

Хато тўғрисида маълум қилиш Транслит