​Одилова Муслима Улуғбек қизи


1830

Туғилган сана: 1998 Июн 20
Тўғилган жойи: Андижон
Йўналишлар: Спортчилар

2015 йилдан Сузиш бўйича Ўзбекистон Миллий Паралимпия терма жамоаси аъзоси

У 20.06.1998 йил Андижон вилояти, Андижон шаҳрида туғилган. Миллати — ўзбек.

Муслима ОдиловаАндижон шаҳар алоқа коллежини тамомлаган.

М.Одилова республикамиз ва халқаро миқёсда ўтказилаётган нуфузли спорт мусобақаларида муваффақиятли иштирок этиб, спортнинг сузиш тури бўйича мамлакатимиз шарафини муносиб ҳимоя қилаётган умидли спортчиларимиздан биридир.

У ёш бўлишига қарамасдан бир қанча юқори натижаларга эришди. Жумладан, 2016 йилнинг март ойида Грециянинг Ноусса шаҳрида ўтказилган Ҳалқаро чемпионатда эркин сузиш усулида 50 метрлик ва 100 метрлик,
100 метрлик - баттерфляй ва 200 метрлик - комплекс усулларида 1-ўринни эагллаб 4 та олтин медални қўлга киритди.

2016 йилнинг май ойида Португалиянинг Фунчал шаҳрида ўтказилган Европа очиқ чемпионатида қатнашиб 100 метрлик баттерфляй усулида
2-ўринни эгаллаб кумуш медал соҳибаси бўлган.

Жорий йилнинг сентябрь ойида Бразилиянинг Рио-да-Жанейро шаҳрида ўтказилган Паралимпия ўйинларида фахрли 2-ўринларни эгаллаб терма жамоамиз ҳисобига яна иккита кумуш медалларини қўшиб қўйди.

Республикамизда ўтказиладиган барча спорт тадбирларида мунтазам иштирок этиб, аҳоли ўртасида оммавий спортни ривожлантиришга муносиб ҳисса қўшмоқда.

Хато тўғрисида маълум қилиш Транслит