​Раҳимова Гулруҳ Илҳомбековна


564

Туғилган сана: 1992 Сентябр 29
Тўғилган жойи: Хоразм вилояти
Йўналишлар: Спортчилар

2011 йил 2 январдан Дзюдо бўйича Ўзбекистон Миллий Паралимпия терма жамоаси аъзоси

Гулруҳ 29.09.1992 йил Хоразм вилояти, Ургенч шаҳрида туғилган. Миллати ўзбек, 2013 йилдан Ўзбекистон давлат жисмоний тарбия институтида таҳсил олмоқда.

Г.Рахимова республикамиз ва халқаро миқёсда ўтказилаётган нуфузли спорт мусобақаларида муваффақиятли иштирок этиб, спортнинг дзюдо тури бўйича мамлакатимиз шарафини муносиб ҳимоя қилаётган умидли спортчиларимиздан биридир.

У ўзининг спортдаги фаолияти давомида бир неча халқаро мусобаларда иштирок этиб совринли ўринларни қўлга киритди. Жумладан, 2014 йилнинг июнь ойида Литванинг Вилнюс шаҳрида ўтказилган дзюдо бўйича Халқаро турнирда 70 кг вазнда 3-ўрин бронза медали, октябрь ойида Жанубий Кореянинг Инчхон шаҳрида ўтказилган Пара Осиё ўйинларида 70 кг вазнда 2-ўрин кумуш медалини қўлга киритган.

2015 йилнинг февраль ойида Венгрияда Эгер шаҳрида ўтказилган Жахон Кубогида 70 кг вазнда3-ўрин бронза медали соҳиби бўлган ва шу йили май ойида Жанубий Кореянинг Сеул шаҳрида ўтказилган IBSA Жаҳон ўйинларида 70 кг вазнда иштирок этган.

Жорий йилнинг сентябрь ойида Бразилиянинг Рио де Жанейро шаҳрида ўтказилган Паралимпия ўйинларида фахрли 3-ўринни эгаллаб терма жамоамиз ҳисобига яна бир бронза медалини қўшиб қўйди.

Республикамизда ўтказиладиган барча спорт тадбирларида мунтазам иштирок этиб, аҳоли ўртасида оммавий спортни ривожлантиришга муносиб ҳисса қўшмоқда.

Хато тўғрисида маълум қилиш Транслит