Дадабаев Ҳамидулла Арипович


40

Туғилган сана: 1947 Сентябр 5
Тўғилган жойи: Тошкент
Йўналишлар: Филолог

Фамилия, исми-шарифи: Дадабаев Ҳамидулла Арипович

Туғилган сана: 5 сентябрь 1947 й.

Туғилганжойи: Тошкент шаҳри

Йўналиши: филолог (немис тили ўқитувчиси)

Таржимаи ҳол

Дадабаев Ҳамидулла Арипович 1947йил 5сентябрь Тошкент шаҳрида туғилган. Охирги беш йил давомида бакалавриат йўналиши ҳамда магистратура ихтисослиги бўйича барча асосий фанлардан маъруза ўқиб келмоқда. Ҳар йили очиқ дарс ва очиқ лекциялар ўтказиб келади. ДТС, намунавий ва ишчи дастурларни замонавий талабларга биноан шакллантиришда фаоллик кўрсатмоқда.

Сўнгги беш йилда олим томонидан Республика ва Хорижда 60 га яқин илмий мақолалар, ўқув қўлланмалари чоп этилди. Унинг илмий раҳбарлигида 3 фан доктори, 8 фан номзоди, 15 дан ортиқ магистр тайёрланди. Айни чоғда олимнинг илмий маслаҳатчилигида бажарилган 2 фан доктори диссертацияси ҳимояга тавсия этилган, 4 нафар катта илмий ходим изланувчининг тадқиқот мавзусига илмий маслаҳатчилик қилмоқда.

Ҳ.Дадабаев турколог олим сифатида чет элда яхши таниш. У бир неча халқаро симпозиум, конгресс ва конференцияларда маъруза билан қатнашган (Анкара: 1996, 1997, 2012, Стамбул: 1999, 2013, Измир: 2000, Тараз: 1995, Туркистон: 2002, 2004, 2006, Алматы: 2007, Шымкент: 2013, 2015).

Ҳ.Дадабаев мудирлик қилаётган кафедрада ижрочилик интизоми яхши йўлга қўйилган. Барча ҳужжатлар белгиланган тартибда расмийлаштирилган, юқори ташкилотларнинг топшириқларини ўз муддатида сифатли бажаришга алоҳида эътибор қаратилган. Ушбу жиҳат Ҳ.Дадабаев мудирлик қилаётган кафедранинг 2011 ва 2016 йилларда ЎзМУда ўтказилган намунали кафедра танловида ғолиб ҳамда фахрли учинчи ўринни эгаллашида намоён бўлди.

Ҳ.Дадабаев нафақат тарихий лексикология, терминология, лексикография, тил назарияси, шунингдек ҳарбий санъат тарихига доир изланишлари орқали илм аҳлига яхши таниш. Унинг Амир Темурнинг ҳарбий маҳоратга оид рисоласи ва луғатлари Ўзбекистон Ҳарбий академияси, ҳарбий билим юртларида қўлланма вазифасини ўтамоқда.

Олим ўнга яқин жамоат ишларини сидқидиллик билан адо этиб келмоқда. Бор истеъдоди, қобилиятини етук лингвистлар, матншунослар, адабиётшунослар тайёрлашга йўналтирган, меҳнатсеварлиги, ҳақиқатпарварлиги, объективлиги ва оддийлиги билан университет жамоаси ҳурматини қозонган. Бир неча тилларни эгаллаган. Баъзан олимнинг жаҳлдорлиги кўзга чалинади.

2016 йил сентябрдан Алишер Навоий номидаги Тошкент давлат ўзбек тили ва адабиёти университети Ўзбек тилшунослиги кафедраси профессори.

Хато тўғрисида маълум қилиш Транслит