Мадримов Исроил


1397

Туғилган сана: 1995 Феврал 16
Тўғилган жойи: Хоразм вилояти
Йўналишлар: Спортчилар

Жаҳон чемпионати совриндори ва Осиё чемпиони, “Uzbek Tiger” жамоаси аъзоси, боксда ўз техникаси билан барчанинг эътиборига тушган истеъдодли боксчи Исроил Мадримов.

Мен 1995 йили16 фералда Хоразм вилоятининг Хива тумани Саят қишлоғида туғилганман. Оилада 3 фарзандмиз. Икки ўғил ва бир қиз. Мен фарзандларнинг тўнғичиман. Оиламизда спортга алоҳида эътибор берилади. Болалигимдан спорт билан шуғулланаман. Етти ёшимдан отам гимнастика ва акробатика билан шуғуллантирганлар.

Тўғрисини айтсам, бир нечта спорт турлари билан шуғулланганман. Футбол, баскетбол, волейбол, стол тенниси, кураш, акробатика, гимнастика бўйича вилоят миқёсидаги мусобақаларда қатнашганман. Каратэ билан ҳам жиддий шуғулланганман. Бироқ, боксга бўлган қизиқиш барчасидан устун келган.

Бешинчи синфдан бокс билан жиддий шуғуллана бошлаганман. Боксни танлашимга атрофимдаги дўстларим сабаб бўлган. Уларга қўшилиб боксга борганмиз. Ўша пайтда тўгаракда биз учун ўта катта саналган рингга кўтарилганимда, биринчи спаррингда роса “калтак еганман”. Шундан сўнг ўз олдимга боксчи бўлиш ва мени мағлуб этган рақибдан аламимни олишни мақсад қилиб қўйгандим. Албатта, кейинроқ бокс мазмун-моҳиятини тушуна бошлаганимдан кейин ўч олиш мақсади умуман йўқолган.

Бокснинг бошланғич сир-асрорларини Хивада Баҳром Қурёзов, Руслан Ибодуллаев ва Қувондиқ Жабборовдан ўргандим.

2010 йили Чирчиқ олимпия захиралари спорт коллежига ўқишга кириб боксчи сифатидашаклландим. Коллеждаги машғулотларда Тўлқин Қиличев, Рустам Саидов, Икром Бердиев, Алишер Раҳимов каби устозлардан кўп нарса ўргандик. Улардан ҳозир ҳам сабоқ оламан.

Республика миқёсидаги илк ютуқларимни 2006 йилдан қўлга кирита бошладим. Дастлаб туман ва вилоят даражасидаги мусобақаларда ўзимни кўрсатганимдан кейин катта турнирларга жалб қила бошлашди. Ўсмирлар ва ёшлар ўртасидаги чемпионатлар ва халқаро турнирларда қатнашиб, маҳоратимни ошириб бордим.

2013 йилнинг декабрь ойида бокс бўйича Ўзбекистон чемпионатида Тошкент вилояти жамоаси таркибида иштирок этдим. Ўша чемпионатда жамоадошларим Элнур Абдураимов, Муроджон Аҳмадалиев ва Баҳодир Жалолов билан қатнашдик ва ҳар биримиз ўз вазн тоифамизда чемпион бўлдик. Ҳозир ҳаммамиз терма жамоанинг асосий таркибидан жой олганмиз.

2014 йил Осиё ўйинлари Исроил учун энг муҳим мусобақалардан бири ҳисобланади. Бу катта боксдаги улкан синов майдони бўлган. Ўша таркибда энг ёш боксчи Исроил бўлган. Финалгача у барча рақиблари устидан ғалаба қозониб, финалда рақибининг қўли баланд келди ва кумуш медаль билан кифояланди.

Исроил, “Uzbek Tigers” таркибида амалдаги чемпион жамоа - “Cuba Domadores” вакили, Олимпия ўйинлари ва жаҳон чемпиони Арлен Лопесга қарши рингга чиқиб ғалаба эришди. Кубалик Арлен Лопес икки қўлда ҳам кучли жанг олиб бориши бизга маълум эди. Мен Ўзим ўнақай боксчиман, дейди Исроил. Лекин чапақай “стойка”да ҳам жанг қилиш қўлимдан келарди. Самарқанддаги жангда шу усулни қўлладим. Тўғриси, айнан чапақайларга хос жанг қилганим Арлен Лопес учун кутилмаган ҳол бўлди. У бунга тайёр бўлмагани учун устунлик мен томонга кўчди.

“World Series of Boxing” жангларида “Uzbek Tigers” жамоаси таркибида муваффақиятли жанглар ўтказиб келаётган Исроил Мадримов Бокс бўйича Осиё чемпионатида нималарга қодир эканлигини яна бир бор исботлади.

2017 йил 30 апрель - 7 май кунларида Мамлакатимиз Бокс бўйича Осиё чемпионатида мезбонлик қилди. 75 кг вазн тоифасида ўзининг қойилмақом зарбалари билан ҳар бир рақибини қийин аҳволга солган Исроил Мадримов финал жангида ҳам мардонавор тарзда жанг қилиб, Жанубий Кореялик рақиби Донг Юн Ли устидан ғалаба қозониб,олтин медални қўлга киритди.

2017 йилнинг октябрь ойида Қозоғистоннинг Актау шаҳрида бўлиб ўтган бокс бўйича халқаро турнирда Исроил Мадримов 75 кг вазн тоифасида тенгсиз эканлигини исботлади ва олтин медални қўлга киритди.

Ташкилотчилар Исроил Мадримов Қозоғистондаги турнирнинг энг яхши боксчиси деб топишди!

2017 йилнинг ноябрь 8-12 ноябрь кунлари Россиянинг Санкт-Петербург шаҳридаги “Динамо” спорт саройида бокс бўйича Санкт-Петербург губернатори кубоги беллашувлари бўлиб ўтди. Мусобақанинг энг ёрқин боксчиларидан бири сифатида эътироф этилган Исроил Мадримов россиялик Игор Иванченкони катта устунлик билан мағлуб этди. 

Бундан ташқари Исроил мусобақанинг энг яхши боксчиси дея эътироф этилди.

Россиянинг Белоярский шаҳрида 2017 йилнинг 22-27 ноябрь кунлари бокс бўйича “Нефть мамлакатлари кубоги” мусобақаси ўтказилди. Финалда Исроил Мадримов 75 кг вазн тоифасида россиялик таниқли спортчи Андрей Ковалчук билан куч синашди. Россиялик сортчининг қўли баланд келиб, Исроил кумуш медал билан чегараланди.

Хато тўғрисида маълум қилиш Транслит