Абдирашидов Зайнабидин Шарабидинович


653

Туғилган сана: 1973 Ноябр 21
Тўғилган жойи: Ўш вилояти
Йўналишлар: Филолог, Адабиётшунослар

Фамилия, исми-шарифи: Абдирашидов Зайнабидин Шарабидинович

Туғилган сана: 1973 йил 21 ноябрь

Туғилган жойи: Ўш вилояти

Йўналиши: адабиёт тарихи

Таржимаи ҳол

Абдирашидов Зайнабидин Шарабидинович 1973 йил 21 ноябрда Ўш вилоятида туғилган. Миллати – ўзбек.

1991-1996 йилларда Тошкент давлат шарқшунослик институтида ўқиган ва уни “шарқшунос-филолог, араб тили ўқитувчиси” мутахасислиги бўйича тамомлаган. 1993-1995 йилларда Ал-Азҳар Университетида (Миср Араб Республикаси) таҳсил олган.

1996-1999 йилларда Ўзбекистон Республикаси Фан ва Техника Давлат Комитети тасарруфидаги Давлат илмий-техника ахбороти фонди Халқаро алоқалар бўлими муҳандиси, бўлим бошлиғи в.б., илмий ходими лавозимларида ишлаган.

1999-2001 йилларда “APOLLO Co., Ltd” Ўзбек-Корея қўшма корхонаси менежери лавозимида фаолият олиб борган.

2001-2008 йилларда Ўзбекистон Миллий университети Ўзбек филологияси факультети “Миллий уйғониш даври ўзбек адабиёти” кафедраси ўқитувчиси лавозимида ишлаган.

2006 йил октябрь ойида 2010 йил май ойига қадар Берлин Гумболдт Университети (Германия) Марказий Осиё тадқиқотлари институти докторантурасида ўқиган.

2010 йил июнь ойидан 2010 йил сентябрь ойига қадар Ўзбекистон Миллий университети тарих факультети манбашунослик ва махсус тарих фанлари кафедраси катта ўқитувчиси лавозимида ишлаган. 2010 йил сентябридан 2016 йил сентябрига қадар Ўзбекистон Миллий университети Ўзбек филологияси факультети “Ўзбек адабиёти ва матншунослик” кафедраси доценти лавозимида фаолият олиб борган. 2010-2014 йиллари Ўзбекистон Миллий университети Ўзбек филологияси факультети Маънавий ва маърифий ишлар бўйича декан муовини вазифасида ишлаган.

2010 йили Берлин Гумболдт Университетида “Марказий Осиё тадқиқотлари” ихтисослиги бўйича “Исмоил Гаспринский ва ХХ аср бошларида Туркистон: алоқалар – муносабатлар – таъсир” мавзусида докторлик диссертациясини ҳимоя қилган.

З.Абдирашидов3 монография, 3 библиографик кўрсаткич, 3 илмий-оммабоп нашр ҳамда илмий журнал ва халқаро конференция ва симпозиумлар тўпламларидаги 42 илмий мақола муаллифи (Ўзбекистон, Россия, Туркия, Япония, Украина).

2012 йили З.Абдирашидов “Исмаил Гаспринский и Туркестан в начале ХХ века: связи, отношения, влияние” (Т.: Академнашр, 2011) монографияси учун Халқаро Бакир Чўпонзода мукофотига сазовор бўлган.

2015 йили у Исмоил Гаспринский ижодий меросининг тадқиқига қўшган ҳиссаси учун Халқаро Исмоил Гаспринский мукофоти билан тақдирланган.

З.Абдирашидов кўпсонли халқаро грантлар соҳиби. Жумладан, 2003, 2013, 2017 йилларда DAAD (Германия), 2006 йилда Volkswagen Foundation (Германия), 2008 йилда TÜBITAK (Туркия), 2009 йилда NaFöG (Германия), 2010 йилда Gerda Henkel Foundation (Германия).

2014-2015 йилларда Хоккайдо Университети (Япония) Славян-Евросиё тадқиқотлари маркази профессори лавозимида ишлаган.

2016 йил сентябрь ойида ҳозирга қадар З.Абдирашидов Тошкент давлат ўзбек тили ва адабиёти университети “Шарқ тиллари” кафедраси мудири лавозимида ишлаб келмоқда.

Манба: А.Навоий номидаги Ўзбек тили ва адабиёти университети илмий бўлими томонидан

Хато тўғрисида маълум қилиш Транслит