Абдураимов Элнур Нургалиевич


2330

Туғилган сана: 1994 Июн 10
Тўғилган жойи: Тошкент вилояти
Йўналишлар: Спортчилар

Жаҳон чемпионати совриндори ва Осиё чемпиони, “Uzbek Tiger” жамоаси аъзоси, боксда ўз техникаси билан барчанинг эътиборига тушган истеъдодли боксчи Элнур Абдураимов.

Абдураимов Элнур Нургалиевич 1994 йили 10 июнда Тошкент вилоятида туғилган. Спортга бўлган қизиқиши уни боксга етаклаган. Дадам сабабли боксни танлаганман, дейди Элнур. Улар ҳам ўз вақтида юқори савияли боксчи бўлганлар. Қонимда бор шеклли, мен ҳам ушбу спорт турига боғланиб қолдим. Эсимни таниганимдан бери боксдаман. Яъни, 5-6 ёшимдан бокс қўлқопини кийиб катта бўлганман. Боксдан бошқа спорт турларига ҳам бориб кўрганман. Футбол, каратэ билан шуғулланганман. Лекин барибир бокс устунлик қилган.

Болалигимда шаҳарлараро ўтказилган мусобақада 26 килограмм вазн тоифасида рингга чиққанман. Ўша турнирдаги ғалаба мен учун биринчиси бўлган.

Биринчи устозим дадам. Улар ҳозир ҳам шахсий мураббий сифатида мени жангларга тайёрлайдилар. Чирчиқ олимпия захиралари коллежига кирганимдан кейин Тўлқин Қиличев, Рустам Саидов каби тажрибали мураббийлардан ҳам кўп нарса ўргандим.

2015 йилги жаҳон чемпионатида олимпия лицензияси ўйналган. Жаҳон чемпионатида иккита учинчи ўринни олган боксчилар Рио Олимпиадаси йўлланмаси учун ўзаро жанг қилиши керак эди. Мен бразилиялик Робсон Кансейсао билан жанг қилганман. Тўғриси, уни енгишимга ўзим ҳам ишонмаганман. Устозларим ҳам унча ишонч билдирмаган, фақат “Элнур лицензия керак бўлса ҳаракатингни қил!”, дейишган. Мен бор кучимни ишга солиб, рақибни енгганман. Кейинчалик, Робсон ҳам ўз ватанидаги Олимпия ўйинларига йўлланма олди ва якунда чемпион бўлди.

Тақидиримга Рио Олимпиадасига бориш ёзилмаган экан, менинг вазнимда Бразилияга Хуршид Тожибоев кетди. У АРВ йўналишида жаҳон чемпиони бўлгани учун олимпия лицензиясига эга бўлганди.

2017 йил 30 апрель  - 7 май кунларида Мамлакатимиз Бокс бўйича Осиё чемпионатига мезбонлик қилди. Барча вазн тоифасида мамлаатимиз боксчилари яққол устунлик билан юқори натижаларни қайд этишти.

60 кг вазн тоифасида ринга кўтарилган ҳамюртимиз Элнур Абдураимов Ҳиндистон вакили Шива Тапа билан олтин медаль учун кураш олиб борди.

Жанг давомида рақибини босим остида ушлаб тура олган боксчимиз ўзининг чемпионатдаги юришини ғалаба билан тамомлаб, 60 кг вазн тоифасида олтин медални қўлга киритиб, Осиё чемпиони бўлди.

2017 йилнинг октябрь ойида Қозоғистоннинг Актау шаҳрида бўлиб ўтган бокс бўйича халқаро турнирда Элнур Абдураимов 64 кг вазн тоифасида тенгсиз эканлигини исботлади ва олтин медални қўлга киритди.

              

                       Эришган натижалари

Йил                                 Мусобақалар ўрин
2009 “Кубок-2009” Ҳ. Алиев хотирасига бағишланган VII Халқаро турнир, Азербайджан 3-ўрин
2010 М.К.Хайрутдиноов хотирасига бағишланган 9- Халқаро турнир, Қозоғистон 1 -ўрин
2012 Николай Павлюков хотирасига бағишланган 5- Халқаро турнир, Россия 3-ўрин

2012
“А” тоифадаги ака-ука Кличколар томонидан ташкил этилган XIV Халқаро турнир, Украина 2-ўрин
2015 Бокс бўйича Жаҳон чемпионати, Доха 3-ўрин
2015 Бокс бўйича Осиё чемпионати, Банкок 3-ўрин
2017 Бокс бўйича Осиё чемпионати, Тошкент 1 -ўрин
2017 Бокс бўйича Халқаро турнир, Қозоғистон 1-ўрин
Хато тўғрисида маълум қилиш Транслит