Акрамов Рустам Акрамович


2061

Туғилган сана: 1948 Август 11
Тўғилган жойи: Тошкент вилояти
Йўналишлар: Спортчилар

Рустам Акрамович Акрамов (лот. Rustam Akramovich Akramov; 11 август, 1948 йил; Янгибозор, Тошкент вилояти, Ўзбекистон ССР, СССР) — ўзбекистон собиқ футболчиси, ҳозирда футбол мураббийи, мутахассис ва функционер. Ўзбекистон Республикасида хизмат кўрсатган мураббий. «Шухрат» медали билан тақдирланган.

Таржимаи ҳол

Акрамов Рустам 1948 йил 11 августда Тошкентдан узоқ бўлмаган Янгибозор шаҳарчасида туғилган.1970 йили Ўзбекистон давлат жисмоний тарбия институтининг футбол мураббийи йўналишини тамомлаган. Ҳамда Москва жисмоний тарбия институтида аспирантурада ўқиган. 1975 йили номзодлик диссертациясини “Танлов услублари тадқиқи ва терма жамоаларни тайёрлаш” мавзуси бўйича ёқлади.

1967-1973 йиллари тошкентнинг “Политотдел” ва “Пахтакор” таркибида ўйнади. 1974 году мураббийлик фаолияти билан шуғуллана бошлади ва москванинг “МХСК” (ЦСКА) ёшлар командасига мураббийлик қилди.

Аспирантурани тамомлагач ЎзДЖТИда ўқитувчи бўлиб ишлади, илмий иш билан шуғулланди, “Пахтакор” жамоаси бош мураббийининг илмий маслаҳатчиси эди. 1978 йили кафедра мудири бўлди. Бу вазифани 1987 йилгача бажарди. 1984 йил фан номзоди бўлди. 1980-1990 йиллар оралиғида Жазоирда ишлади, “УСМ Жазоир” клубига мураббийлик қилди (1990-1991) ва Жазоир миллий термасининг мураббийлар штаби таркибига кирди. 1987-1989 йиллари Жазоир миллий университети футбол кафедраси профессори эди. Бу йиллари Акрамов Рустам франция футбол клуби “Бордо” да мураббийлик малакасини оширди.

Мустақилликдан сўнг 1992 йили Ўзбекистон футбол терма жамоасига асос солинди. Янги терма жамоанинг мураббийлари этиб Рустам Акрамов ва Берадор Абдураимов тайинланди.Унинг раҳбарлиги остида Ўзбекистон термаси Марказий Осиё Кубоги совриндори бўлди.

1994 йили Ўзбекистон термаси Мустақиллик Кубоги халқаро турнирида ғолиб бўлди. Йил охирида, япониянинг Хиросима шаҳрида ўтказилган ёзги Осиё ўйинларида Ўзбекистон термаси финалда Хитой устидан ғалаба қозониб турнир чемпиони бўлди. Шу вақтни ўзида Акрамов Рустам тошкент “Пахтакор” ига мураббий эди ва клубда бир сезон фаолият юритди. Хиросимада ғалабадан сўнг Акрамов Рустам “Шухрат” медали билан мукофотланди ва Ўзбекистон Республикасида хизмат кўрсатган мураббий унвонига сазовор бўлди.

Шу йили Акрамов ФИФА мураббийлар академиясини тамомлади ва 1995 йили Ҳиндистон футбол миллий термасига раҳбарлик қилишга таклиф этилди. Ҳиндистонда 1997 йилгача ишлади ва Ўзбекистонга қайтди. 1998 йили АФК техник директори этиб тайинланди. Ҳозирги кунда Ўзбекистон футбол федерацияси ҳузуридаги миллий термалар маркази техник директори бўлиб ишламоқда.

Рустам Акрамов 30дан ортиқ илмий ишлар, 100 га яқин илмий мақолалар ва футбол ҳақида 6 та китоб муаллифидир. Ўзбек, рус, инглиз ва француз тилларида эркин суҳбатлашади.

Мураббий сифатида ютуқлари

Ўзбекистон термаси билан

  • Ўрта Осиё мамлакатлари Кубоги совриндори: 1992
  • Мустақиллик Кубоги сохиби: 1994
  • Ёзги Осий ўйинлари чемпиони: 1994

Ҳиндистон ремаси билан

  • Жанубий Осиё ўйинлари чемпиони: 1995
  • Жанубий Осиё футбол федерацияси Кубоги сохиби: 1997
  • Жанубий Осиё футбол федерацияси Кубоги финлисти: 1995

Шахсий ютуқлари

  • Ўзбекистон Республикасида хизмат кўрсатган мураббий: 1994
  • “Шуҳрат” медали
  • АФК Олтин юлдузи кавалери: 2010
Хато тўғрисида маълум қилиш Транслит