Алимходжаев Камолиддин Тиллаходжаевич


309

Туғилган сана: 1945 Октябр 15
Тўғилган жойи: Тошкент
Йўналишлар: Математиклар, Физиклар

Туғилган сана: 15.10.1945 йил

Туғилган жойи: Тошкент шаҳри

Йўналишлар: Янги электр машиналари ва вибрацион моторларини яратиш, электромеханик қурилмаларнини рақамли-дастурий бошқариш, йирик қувватли шамол электр станцияларини яратиш ва тармоққа параллел улаш.

Алимходжаев КамолиддинТиллаходжаевич 15 октабрь 1945 йилдаТошкент шаҳрида ишчи оиласида туғилган. Миллати – ўзбек. 1953 йилда Тошкент шаҳридаги 8 йиллик 53-сон ўрта мактабга ўқишга бориб, унинг 8-синфини 1961 йилда тугатган, шу йили 1-сон кечки ишчи-ёшлар мактабида ўқиди ва уни 1963 йилда тугатди. Шу йили Тошкент Политехника институтининг энергетика факультетига ўқишга кириб, 1968 йилда “Электр машиналари” мутахассислигини тамомлади.

Ўз меҳнат фаолиятини 1961 йили “Юлдуз” тикувчилир фирмасида механик лавозимидан бошлаган. 1968 йилда Тошкент Политехника институтини тамомлагач, “Электр машиналари” кафедрасида ассистент лавозимида ишга олиб қолинди. 1970-71 йилларда Совет армияси сафида хизматда бўлди. 1971-1976 йилларда Тошкент Политехника институти (кейинчалик Тошкент давлат техника университети)да “Электр машиналари” кафедрасида ассистент, 1976-1982 йилларда катта ўқитувчи, 1982-2000 йилларда доцент лавозимларида, шумуддатда энергетика факультети деканининг илмий ишлар бўйича муовини лавозимида ўриндошлик асосида ишлади.

1982 йилда 05.09.01 – “Электр машиналари” мутахассислиги бўйича “Частотали бошқарилувчи электромагнит вибрацион моторлар тадқиқоти” мавзусида номзодлик диссертациясини ҳимоя қилди ва шу мутахассислик бўйича техника фанлари номзоди илмий даражаси дипломини олди. 1984 йилда “Электр машиналари” кафедраси бўйича доцент илмий унвони аттестатини олди. 2004 йилда 05.09.01 - “Электр машиналари” мутахассислиги бўйича “Частотали бошқарилувчи ўзгарувчан токли вибрацион моторлар тадқиқоти”мавзусида докторлик диссертациясини ҳимоя қилди ва 2005 йилда шу мутахассислик бўйича теҳника фанлари доктори илмий даражаси дипломини олди.

2000-2006 йилларда “Ўзбекэнерго” ДАЖ “Энергетиканингривожланиши истиқболлари” бошқармасида муҳандис, етакчимутахассис, бошқарма бошлиғининг муовини лавозимларида ишлади. 2006-2014 йилларда Тошкент ахборот технологиялари университетининг “Электр занжирлар назарияси” (кейинчалик ўзгарган номи “Оптик толали линиялари”) кафедрасида профессор, кафедра мудири лавозимларида ишлади. 2014-2015 йилларда Ўзбекистон Фанлар Академиясининг “Энергетика ва автоматика” институти Илмий котиби лавозимида ишлади.

2015 йилдан Тошкент давлат техника университетида “Электр машиналари” кафедрасида профессор лавозимида ишлаб келмоқда.

150 дан ортиқ илмий ишлари чоп этилган. Шулардан 15 та муаллифлик гувоҳномалари ва патентлар, 23 илмий ишлар ҳисоботлари, бир дарслик (2 дарслик нашриётга топширилган), 2 та ўқув қўлланма, 2 та ўзбекча-русча атамалар луғати (ҳаммуаллифликда) чоп этилган.

Унинг илмий раҳбарлигида биттатехника фанлари номзоди диссертацияси ҳимоя қилинди. Икки нафар ёш олим фалсафа доктори диссертациясини ёқлаш арафасида. Биттафан доктори ва иккитафан номзоди диссертацияларига расмий оппонент бўлган.

Тошкент давлат техника университети ва Ўзбекистон Фанлар Академияси “Энергетика ва автоматика” институтининг 05.05.02 – электротехника. Электр энергия станциялари, тизимлари. Электротехник мажмуалар ва қурилмалар, Олмаота (Қозоғистон Республикаси) энергетика ва алоқа университетининг 05.09.01 - “Электр машиналари” мутахассисликлари бўйича бир мартали Илмий кенгаш аъзоси.

Хато тўғрисида маълум қилиш Транслит