Алихўжаев Ўлмас


3519

Туғилган сана: 1941 Июн 30
Вафот этган сана: 2015 Сентябр 25
Тўғилган жойи: Урганч
Йўналишлар: Актёрлар

Таниқли ўзбек киноактёри. «Ўзбекфильм», «Ўзбектелефильм», «Тожикфильм» киностудияларида суратга олинган ўттиздан ортиқ бадиий ва телевизион фильмларда роллар ижро этган. Ўлмас Алихўжаев «Ўзбекистон халқ артисти» унвони соҳиби.

Ўзбек киноактёри Ўлмас Алихўжаев 1941 йилда Хоразм вилоятининг Ургенч шаҳрида туғилган. 1964 йилда Тошкент театр ва рассомлик санъати институтининг актёрлик факультетини тугатгандан буён «Ўзбекфильм» киностудиясида актёр сифатида фаолият кўрсатиб келмоқда.

Ўлмас Алиҳўжаев бахти кулган актёрлардан, у жуда эрта, талабалик давридаёқ кинофильмларда роллар ўйнашга таклиф этилган ва 1962 йилда «Абдулла Набиев» бадиий фильмида Абдулла Набиев образини яратган.

Бу ёш ва келажаги порлоқ актёрнинг кинодаги биринчи роли ва биринчи муваффақияти эди. 

Ёқуб Аҳмедов «Фурқат» бадмий фильмида Фурқат образи орқали кенг маданий жамоатчиликка қандай тез танилган бўлса, Ўлмас Алихўжаев ҳам Абдулла Набиев образи орқали барчанинг назарига тушди. Шундан бери кинода фаол қатнашиб, «Ўзбекфильм», «Ўзбектелефильм», «Тожикфильм» киностудияларида суратга олинган ўттиздан ортиқ бадиий ва телевизион фильмларда роллар ижро этди. Ўлмас Алихўжаевнинг тарихий ва замонавий мавзудаги бадиий фильмлар: «Улуғбек юлдузи»даги Али Қушчи, «Ўтган кунлар»даги Отабек, «Шиддат»даги Ёдгор Ҳамидович, «Оловли йўллар»даги Ҳамза, «Тожикфильм» киностудиясида суратга олинган «Тинчлик даврида»ги Ғулом Аҳмедов каби қатор образлари актёрнинг кўп йиллик изчил ва самарали меҳнатининг маҳсулидир.

Ўлмас Алихўжаев деганда мухлислар нафақат Абдулла Набиевни, «Ўтган кунлар» бадиий фильмидаги Отабекни ҳам тасаввур этишади. Мухлислар назарида бу образлар Ўлмас Алихўжаевга атаб ёзилгандек, фақат Ўлмас Алихўжаев ижро этиши керакдек туюлади. Актёрнинг истеъдодига бундан ортиқ меҳр ва баҳо бўлиши мумкинми?

«Оловли йўллар» кўп серияли бадиий фильмда Ҳамзанинг ёшлик йилларидан, то камолотга эришгангача бўлган даври актёр ижросида ўзининг ёрқин ифодасини топди ва шоирнинг адабий, ижтимоий-сиёсий фаолияти, инсоний фазилатлари катта бир тарихий давр биографияси фонида кўрсатилди. Ана шундай катта тарихий давр воқеалари иштирокчиси образининг бутун мураккаблиги билан тадрижий такомилини кўрсатишдек муҳим вазифани У.Алихўжаев аниқ ва ишончли тарзда кўрсатиш шарафига муяссар бўлди.

Ўзбек романчилигига асос солган Абдулла Қодирий асари асосида суратга олинган «Ўтган кунлар» бадиий фильмини ҳам санъат мухлислари жуда яхши қабул қилди ва бу экран асари ҳам ўзбек кино санъати тарихида ёрқин саҳифа бўлди.

«Ўтган кунлар» фильмида романтик кўтаринкилик, айниқса, бош қаҳрамонлар — Отабек ва Қумуш образларини, уларнинг ўзаро муносабатларини тасвирлашда жуда катта маҳорат талаб этилганки,
У. Алихўжаев Отабек характеридаги шу ро- мантик кўтаринкиликнй кўрсатишга.алоҳида эътибор берди ва экранда мард, жасур, ақлли ва чин севгисига садоқатли инсон образини катта жозиба билан қойил-мақом қилиб яратдики, томошабин Отабек — Ў.Алихўжаевни севиб, унга ҳавас ва тақлид қилди.

Шунинг учун ҳам Отабек образи актёрни санъат мухлисларига яқиндан танитди, унга шуҳрат келтирди, унинг ижодий биографиясида ёрқин саҳифа, ўчмас юлдуз бўлиб қолди.

Истеъдодли кино актёри Ўлмас Алихўжаев «Ўзбекистон халқ артисти» унвони билан тақдирланган.

Хато тўғрисида маълум қилиш Транслит