Аллаев Қахрамон Рахимович


621

Туғилган сана: 1945 Август 26
Тўғилган жойи: Хоразм вилояти
Йўналишлар: Математиклар, Физиклар

Туғилган сана: 1945 август 26

Туғилган жойи: Хоразм вилояти

Йўналишлар: Гидроэнергетик қурилмалари

1945 йил 26 августда Хоразм вилоятида таваллуд топган. Миллати – ўзбек.

1963 йилда Москва энергетика институтининг «Гидроенергетика ва электромеханика» ихтисослиги бўйича инженер-електрик мутахассислигини эгаллаган.

1979 йилда «Анализ переходних режимов электрических систем с асинхронними турбогенераторами» мавзуида номзодлик, 1991 йилда «Повишение эффективности электрических систем внедрением крупних асинхронних турбогенераторов» мавзуида докторлик диссертацияларини ҳимоя қилган.

Техника фанлари доктори, профессор. Халқаро электротехника фанлари академиги. У ёшларни тарбиялашда кўрсатган хизматлари учун «Ўзбекистон Республикасида хизмат кўрсатган ёшлар мураббийси» фахрий унвонига сазовор бўлган. У «Беруний» Ёшлар академиясини ва шу академиянинг «Техника юлдузлари», «Таълим тизимида ижтимоий гуманитар фанлар», «Энергия ва ресурс тежаш муаммолари» журналларини ташкил этишда фаол қатнашган. Ҳозирги кунда «Энергия ва ресурс тежаш муаммолари» журналининг бош муҳарриридир.

У 1969 йилдан Тошкент политехника институти энергетика факультетининг «Электр тизимлари» кафедраси ассистенти, катта ўқитувчиси, доценти, 1979 йилда энергетика факультети декани муовини, 1986 йилдан шу факультет декани. 1992 йилдан Тошкент давлат техника университетининг илмий ишлар бўйича проректори, 1-проректори бўлиб ишлаган. 1994 йилдан Ўзбекистон Республикаси Олий ва ўрта махсус таълим вазирининг ўринбосари, 2001 йилдан Тошкент давлат техника университети ректори ва ҳозирги кунда «Электр станциялари, тармоқлари ва тизимлари» кафедраси профессори бўлиб ишламоқда. У Республика ва МДҲ бўйича электр тизимларида асинхрон турбогенераторлардан самарали фойдаланиш мактабининг асосчисидир. Тошкент давлат техника университети ҳузуридаги «Электр станциялари ва электр энергетика тизимларини бошқариш» ихтисослиги бўйича Ихтисослашган кенгаш аъзоси. Унинг раҳбарлигида 18 та фан номзоди ва 5 та фан доктори тайёрланган.

Профессор Қ.Р.Аллаев Ўзбекистон Республикаси энергетикасига ўзининг муносиб ҳиссасини қўшган олим, етук педагог, илмий фаолияти давомида 130 дан ортиқ илмий мақола, 10 тадан ортиқ ўқув-услубий ишлари ва 8 та монографияларнинг муаллифи ҳисобланади.

Хато тўғрисида маълум қилиш Транслит