Багдасаров Армен


3105

Туғилган сана: 1972 Июл 31
Тўғилган жойи: Тошкент
Йўналишлар: Спортчилар

1972 йилнинг 31 июлида туғилган. Тўққиз карра Ўзбекистон чемпиони. ХХVI Атланта Олимпиадаси кумуш медали соҳиби (1996), Осиё чемпиони. Бутун жаҳон талабалар Универсиадасининг кумуш медали совриндори. "Меҳнат Шуҳрати" ордени ва "Ўзбекистон Республикасида хизмат кўрсатган спортчи" фахрий унвонига сазовор бўлган.

Армен спорт залига дастлаб қадам қўйганида 12 ёшда эди. Ўша кундан бошлаб унга Ўзбекистонда хизмат кўрсатган спорт устози В.Пятаев дзюдо сирларини ўргатган.

1992 йили Армен биринчи йирик ғалабага эришди — Исроилда ўтган Европа чемпионатида бронза медалига сазовор бўлди. 1995 йили Жаҳон чемпионатида қатнашиб, бешинчи ўринни эгаллади.

1996 йили Вьетнамда бўлиб ўтган Осиё чемпионатида у янада салмоқли ютуққа эришди. Атланта Олимпиадасида кумуш медалга сазовор бўлди. Бу ёзги Олимпия ўйинларида мамлакатимиз вакиллари қўлга киритган дастлабки ютуқ сифатида ҳам қадрлидир.

1998 йили у Бангкокда ўтказилган ХIII Осиё ўйинларида кумуш, 1999 йили Осиё чемпионатида (Хитой) олтин медалларини қўлга киритди. Ўзбек кураши бўйича Биринчи Жаҳон чемпионатида шарафли иккинчи ўринни эгаллади.

Ўзбекистонимиз шуҳратини дунёга ёйиш борасида Армен Багдасаров қилган хизматлар ҳукуматимиз томонидан муносиб такдирланган.

Армен Багдасаров 2001 йилдан дзюдо бўйича Ўзбекистан терма жамоасининг бош мураббийсидир.

Хато тўғрисида маълум қилиш Транслит