Чусовитина Оксана


2544

Туғилган сана: 1975 Июн 19
Тўғилган жойи: Бухоро
Йўналишлар: Спортчилар

1975 йилнинг 19 июнида Бухорода туғилган. Спорт гимнастикаси бўйича Олимпия чемпиони, Осиё ўйинлари ва "Жаҳон юлдузлари" халқаро мусобақасининг совриндори. «Дўстлик» ордени, "Ўзбекистон Республикасида хизмат кўрсатган спортчи" фахрий унвони билан такдирланган.

Оксана Чусовитина 7 ёшидан бошлаб гимнастика билан шуғулланган. Ноёб иктидори, тиришқоқлиги билан мутахассислар назарига тушган ва 1986 йили Тошкентдаги республика олимпия ўринбосарлари билим юртига таклиф этилган. Бу масканда Ўзбекистонда хизмат кўрсатган спорт устози Светлана Кузнецовадан гимнастика сирларини кунт билан ўрганган.

Мамлакат чемпионатларида кетма-кет муваффақият қозонгач, 1990 йили у терма жамоа сафига чақирилди. Ўтган ўн йил давомида дунёнинг энг сэра гимнастикачилари иштирокидаги барча нуфузли мусобақаларда иштирок этди ва уларнинг кўпчилигидан совринлар билан кайтди.

1992 йили Барселона Олимпиадасида жамоа таркибида олтин, 1994 йили Осиё ўйинларида 2 та бронза, 1995 йили жаҳон кубогида битта олтин ва 2 та бронза, 1997 йили "Жаҳон юлдузлари" халқаро мусобақасида 2 та кумуш медални қўлга киритган.

Спорт гимнастикасида узок, йил мусобақаларда муваффақиятли қатнашиш спортчидан катта ирода ва жасорат талаб қилади. Оксана ана шундай матонатли спортчиларимиздандир.

Оксана Чусовитина Олимпия ўйинларида уч бор (Барселона, Атланта, Сидней) қатнашган Ўзбекистонлик ягона спортчидир.

Ўзбекистон спортини ривожлантириш йўлидаги улкан хизматлари учун Оксана Чусовитина Ватанимизнинг "Дўстлик" ордени билан такдирланган.

Оксана Чусовитина 2016 йил Рио де Жанейродаги Олимпия ўйинларида иштирок йўлланмасини қўлга киритган

Гимнастика спорти (аёл)
СССР учун
Жаҳон чемпионати
Олтин Индианаполис 199 команда биринчилиги
Олтин Индианаполис 1991 мустақил машқлар
Кумуш Индианаполис 1991 Туриб сакраш
Бирлашган жамоа-олимпия ўйинлари
Олтин Барселона 1992 команда биринчилиги
Жаҳон чемпионати
Бронза Париж 1992 Туриб сакраш
Германия учун
Олимпия ўйинлари
Кумуш Пекин 2008 Туриб сакраш
Жаҳон чемпионати
Бронза Орхус 2006 Туриб сакраш
Кумуш Токио 2011 Туриб сакраш
Европа чемпионати
Кумуш Амстердам 2007 Туриб сакраш
Олтин Клермон-Ферран 2008 Туриб сакраш
Серебро Берлин 2011 Туриб сакраш
Кумуш Брюссель 2012 Туриб сакраш
Ўзбекистон учун
Жаҳон чемпионати
Бронза Бирминген 1993 Туриб сакраш
Кумуш Гент 2001 Туриб сакраш
Бронза Дебрецен 2002 Туриб сакраш
Олтин Анахайм 2003 Туриб сакраш
Кумуш Мельбурн 2005 Туриб сакраш
Осиё ўйинлари
Бронза Хиросима 1994 Турли баландликдаги ҳаркатлар
Бронза Хиросима 1994 Туриб сакраш
Олтин Пусан 2002 Туриб сакраш
Кумуш Пусан 2002 Мутлоқ биринчилик
Кумуш Пусан 2002 Ёғочда
Олтин Пусан 2002 Мустақил машқлар
Кумуш Инчхон 2014 Туриб сакраш
Хато тўғрисида маълум қилиш Транслит