Ильина Татьяна Георгиевна


2031

Туғилган сана: 1920 Июн 26
Вафот этган сана: 2003 Октябр 12
Тўғилган жойи: Тошкент
Йўналишлар: Шифокорлар

Ильина Татьяна Георгиевна - Ильина Татьяна Георгиевна (26.06.1920-12.10.2003) — кўз касалликлари бўйича мутахассис. Тошкент Тиббиёт институтини тугатган (1942) ва ушбу институнинг кўз касалликлари кафедраси мудири бўлган. Ўзбекистонда хизмат кўрсатган фан арбоби (1980), Ўзбекистонда хизмат кўрсатган шифокор (1969), тиббиёт фанлари доктори (1971), профессор (1973).

Кўз касалликлари кафедраси профессор (1972-1980); мудири (1980-1988), 2-ТошТИ да кафедра мудири(1989-1991), профессор (1991-1994), 1994 йилдан профессор консультант. Трахома, глаукома (назла) каби хасталиклар, шунингдек, ишемик касалликлар, гипертония, қанд касаллиги, атеросклероз, подагра, буйрак ва жигар касалликларида кўз томирида бўладиган ўзгаришлар устида тадқиқот олиб борган.

Ўзбекистонда биринчи бўлиб одам ва ҳайвонлар кўзи тўқималаридаги микроэлементларни радиоактивацион таҳлил қилиш усулини ишлаб чиққан.

Тошкент шаҳрида профессор-хирург Г.А.Ильин оиласида туғилган. Татянанининг отаси Г.А.ИльинТуркистон давлат университети ва кейинчалик Ўртаосиё давлатуниверситети асосчиларидан ҳисобланган. 1935 йили ушбу университетнинг тиббиёт факультети асосида Тошкент Тиббиёт институтига асос солинди. Бу институтни 1942 йилда Т.Ильина тамомлаб, кафедра ординатори, ассистенти, доценти ва профессори бўлиб ишлаган.

Иккинчи жаҳон уруши йилларида Татьяна Георгиевна академик В.П. Филатов қўл остида кўз касалликлари ва тери терапияси институтида амалиётчи бўлиб ишлаган. Мазкур институт ўша йиллари Ўзбекистон ҳудудига эвакуация қилинган эди.

У 1956 йилда «Слепое пятно у бруцеллезных больных» мавзусида кандидатлик диссертациясини ҳимоя қилган. У ўша йилларда Тошкент шаҳрида 6 ой давом этган ер қимирлаши натижасида стрессга тушган инсонлар орасида глаукомага чалинган беморларнинг касалликлари кучайиб бораётгани ва буни даволаш учун илмий изланишлар қилгани маълум (Тошкент, 1966 г.). Изланишлар натижасида у «Диспансеризация больных глаукомой в Узбекистане и некоторые вопросы ее патогенеза» мавзусида докторлик диссертациясини 1971 йилда ҳимоя қилади. Бу илмий изланишга академик Н.А. Пучковская оппонентлик қилган. Шунингдек, республиканинг турли вилоятларида 17 та глаукоматозликка ихтисослаштирилган бўлимлар фаолият юрита бошлаган.

У 150 ортиқ илмий ишлар ва офтальмология соҳасида кўплаб янгиликлар (новаторлик) яратган олим саналади. Унинг қўл остида 18 та кандидатлик ва докторлик диссертациялар ҳимоя қилинган ва 50 дан ортиқ клиник ординаторлар етиштирилган.Т.Г. Ильина ажойиб хирург-офтальмолог ҳамдир.

У узоқ йиллар Умумроссия илмий офтальмологлар жамияти аъзоси, Ўзбекистон офтальмологлар илмий жамияти раиси ўринбосари, 11 йил давомида Ўзбекистон Соғлиқни сақлаш вазирлиги бош офтальмологи лавозимида фаолият юритган.

Хато тўғрисида маълум қилиш Транслит