Жонибек Субҳон


1630

Туғилган сана: 1944 Июн 6
Тўғилган жойи: Жиззах
Йўналишлар: Шоирлар

Жонибек Субҳон шеър ва ҳикоялари республика матбуотида эълон қилинган. Жонибек Субҳоннинг аруз вазнида ёзилган «Безовта руҳ» достони буюк соҳибқирон Амир Темур таваллудининг 660 йиллигига бағишланган.

Таржимаи ҳол

Жонибек Субҳон (асл исм-шарифи Жонибек Сувонқулов) 1944 йил 9 июнда Жиззах вилоятининг Зомин туманида туғилган. Аввал шу қишлоқдаги етти йиллик, кейин Ёмдаги ўн йиллик мактабни 1959 йилда битирди.

1962 йилда Самарқанд Давлат университетининг ўзбек филологияси факултетига ўқишга кирди ва уни ҳарбий хизматдан кейин 1970 йилда тугатди.

1970-1980 йилларда «Сирдарё ҳақиқати» газетасида ишлади, 1980-1984 йилларда ЎзТАГнинг Сирдарё вилояти бўйича ўз мухбири бўлди. 1984-1986 йилларда Ёзувчилар уюшмаси Сирдарё вилояти бўлимида адабий маслаҳатчи бўлиб ишлади. 1986 йилдан Ўафур Ўулом номидаги Адабиёт ва санъат нашриётида ишлаб келади. Шеър ва ҳикоялари 1962 йилдан бери вилоят ва республика матбуотида эълон қилинган.

Биринчи шеърий тўплами «Зангори уфқлар» 1978 йилда чоп этилган.

«Қирралар» (1988), «Ота макон» (1991), «Тазарру онлари» (1993), «Силсила» (1994), «Рўё» (1994) шеърий тўпламлари нашр этилган. Шунингдек, у «Сенга интиламан» (1987), «Катта ҳаёт бўсағасида» (1987), «Замон қўнғироғи» (1990) тўпламларининг ҳам муаллифи.

Жонибек Субҳоннинг аруз вазнида ёзилган «Безовта руҳ» достони буюк соҳибқирон Амир Темур таваллудининг 660 йиллигига бағишланган.

Ҳозир у кўҳна аруз вазнида ижод қилишга эътибор бермоқда. «Мадянлар фожиаси» достони, қатор ғазаллари бунга мисолдир. Болаларга атаб ёзилган шеърлари, «Суваракнома» мажозий достони машҳур.

Жонибек Субҳоннинг таржимаи ҳоли, тақдири, босиб ўтган ижодий йўли оддий. Бироқ унинг шеъриятини товланувчан, маъно моҳиятига кўра фалсафий шеърият, деса бўлади.

Айниқса, унинг «Силсила» тўпламига кирган кўпчилик шеърлари шеърият ишқибозларини бефарқ қолдирмайди. Ундаги бир қатор ғазаллар ўқувчи хаёлини тарихга, замонга, келажакка ҳақиқат ва диёнат кўзи билан боқишга даъват этади.

Хато тўғрисида маълум қилиш Транслит