Курбанов Рашид Магомедович


838

Туғилган сана: 1987 Феврал 16
Тўғилган жойи: Махачқалъа Доғистон Республикаси
Йўналишлар: Спортчилар

2009 йилдан эркин кураш бўйича Ўзбекистон миллий терма жамоаси аъзоси. Халқаро тоифадаги спорт устаси. 7 карра Ўзбекистон чемпиони.

Р.Курбанов спортнинг эркин кураш тури бўйича мамлакатимиз шарафини халқаро спорт ареналарида муносиб ҳимоя қилаётган тажрибали спортчиларимиздан ҳисобланади.

Р.Курбанов эркин кураш бўйича халқаро миқёсдаги турли мусобақаларда иштирок этиб, совринли ўринларни қўлга киритган.

У 2011 йил Россиянинг Махачқалъа шаҳрида бўлиб ўтган жаҳон Кубоги ва Туркиянинг Истамбул шаҳрида ўтказилган жаҳон чемпионати иштирокчиси, Тошкент шаҳрида бўлиб ўтган Осиё чемпионати ғолиби.

2012 йил Қозоғистоннинг Астана шаҳрида бўлиб ўтган халқаро турнирнинг олтин медалини қўлга киритган.

Лондон (Буюк Британия) шаҳрида бўлиб ўтган ХХХ ёзги Олимпия ўйинлари иштирокчиси.

2013 йил Ҳиндистоннинг Деҳли шаҳрида бўлиб ўтган Осиё чемпионатида олтин, Венгриянинг Будапешт шаҳрида бўлиб ўтган жаҳон чемпионатида бронза, Озарбойжоннинг Боку шаҳрида бўлиб ўтган “Олтин тож” туркумига кирувчи Гран-При турнирида ҳам олтин медалларни қўлга киритган.

2014 йил Жанубий Кореянинг Инчеон шаҳрида ташкил этилган XVII Осиё ўйинларида ғолиб чиқиб, олтин медалга эгалик қилган.

2015 йил Франциянинг Париж шаҳрида бўлиб ўтган Гран-при турнирида олтин медал, Қатарнинг Доха шаҳрида бўлиб ўтган Осиё чемпионатида бронза медалларга сазовор бўлди.

2016 йил Қозоғистоннинг Астана шаҳрида бўлиб ўтган халкаро турнирнинг бронза медалини қўлга киритган.

Р.Курбанов иродали спортчи, камтарин инсон сифатида терма жамоа аъзолари ва устоз-мураббийлар орасида обрў-эътибор қозонган.

Хато тўғрисида маълум қилиш Транслит