Мирзаев Маҳмуд Мирзаевич


2714

Туғилган сана: 1924 Июн 15
Вафот этган сана: 2000 Август 3
Тўғилган жойи: Тошкент
Йўналишлар: Агрономлар

Мирзаев Маҳмуд Мирзаевич (15 июнь 1924 йилда туғилган — 3 август 2000 йилда вафот этган) — қишлоқ хўжалиги доктори (1976), ВАСХНИЛ академик профессор (1988), Ўзбекистон Республикаси Қишлоқ хўжалиги фанлари академиги (1992), Ўзбекистонда хизмат кўрсатган агроном (1964). Ўзбекистонда хизмат кўрсатган фан арбоби (1968), Совет социалистик Меҳнат Қаҳрамони (1971).

1939 йил Ўрта Осиё ишчилар факультетини тамомлаган. 1943 йил эса Тошкент қишлоқ хўжалик институтини тамомлаган.

1943 йилдан боғдорчилик-узумчиликка ихтисослаштирилган Қибрай совхозининг бош агрономи бўлди, бунда ўз ишининг мутахассиси ва ишлаб чиқаришни моҳир ташкилотчиси сифатида танилди. 1951 йил Бутун иттифоқ ўсимликшунослик институти аспирантурасида сиртдан ўқиб, номзодлик диссертациясини ҳимоя қилди.

1949-2000 йилларда — академик Р.Р.Шредер номидаги боғдорчилик, узумчилик ва виночилик илмий тадқиқот институти директори, шу билан бир вақтда 1952-1953 йилларда — Ўзбекистон Республикаси қишлоқ хўжалик вазири ўринбосари, 1962-1964 йилларда — Ўзбекистон Республикаси қишлоқ хўжалик вазирини вақтинча вазифасини бажарувчиси, Ўзбекистон Республикаси қишлоқ хўжалиги вазирлиги қишлоқ хўжалик фанлари Бош бошқармаси бошлиғи лавозимларида фаолият юритди.

1975 йил республика тоғ ва тоғолди зоналарида боғдорчилик ва узумчилик ерларини ўзлаштириш бўйича докторлик диссертациясини ҳимоя қилди.

 Мирзаевнинг илмий ва амалий фаолияти мева дарахтлари ва токлар биологияси ва агротехникаси, тоғ ва тоғолди зоналарида боғдорчилик ва узумчиликни ривожлантириш, ихтисослашган махсус узумчилик хўжаликлари ташкил этиш, мевали дарахтлар, токларнинг шўрҳок, шағалли ва қумлоқ ерларда етиштириш технологиясини ишлаб чиқишга бағишланган. Селекция, навларни ўрганиш асосида олманинг Нафис, узумнинг Шредер чиллакиси, қулупнайнинг Ўзбекистон ва бошка навларини яратишда иштирок этган.

М.М.Мирзаев ВАСХНИЛ Ўрта Осиё бўлимининг боғдорчилик ва сабзавотчилик бўлимини бошқарган. 1978 йил ВАСХНИЛ мухбир аъзоси этиб сайланди, 1983 йил ВАСХНИЛ ҳақиқий аъзоси, 1992 йил қишлоқ хўжалиги фанлари Ўзбек Академияси академиги бўлди.

Мукофотлари

  • Ленин ордени “Ўроқ ва Болға”ва медали билан (1971) Совет Социалистик Меҳнат Қаҳрамони
  • Октябрь Инқилоби ордени
  • Меҳнат Қизил бароқ ордени
  • «Ҳурмат белгиси» ордени
  • Ўзбекистон Республикаси Олий Кенгаши Президиуми Фахрий ёрлиғи
  • СССР Халқ хўжалиги ютуқлари кўргазмаси (ХХЮК) 8 та медали
  • СССР ХХЮК Фахрий дипломи
  • СССР ХХЮК Iдаражали дипломи билан
  • “Ўзбекистон Республикасида хизмат кўрсатган агроном” Фахрий унвони (1964)
  • “Ўзбекистон Республикасида хизмат кўрсатган фан арбоби” Фахрий унвони (1968)
  • «Меҳнат Қаҳрамони» унвони
  • «Дўстлик» ордени
  • «Эл-юрт ҳурмати» ордени.

Ўзбекистон Республикаси Вазирлар Маҳкамасининг 2013 йил 24 август №25 сонли қарорига кўра, академик Р.Р.Шредер номидаги боғдорчилик, узумчилик ва виночилик илмий тадқиқот институти номи ўзгартирилиб, академик Маҳмуд Мирзаев шарафига қўйилди

Илмий фаолияти

М.Мирзаев узумчилик ва боғдорчилик маданияти турли муаммолари бўйича 300 га яқин илмий ишлар муаллифи, шу билан бир қаторда Ўзбекистон тоғ боғдорчилик ва узумчилик ҳамда ишлаб чиқариш бўйича амалий тавсиялар назарий асосига қаратилган 3 та монографиясини ўз ичига олади. Унинг раҳбарлигида мустаҳкам илмий ишлар — “Ўзбекистон мевашунослиги (помология)” ва «Ўзбекистон ампелографияси» тайёрланди. 

Хато тўғрисида маълум қилиш Транслит