Мўминова Зулфия


2825

Туғилган сана: 1959 Июл 15
Тўғилган жойи: Самарқанд
Йўналишлар: Шоирлар

Ўзбек адабиётига 80-йилларда кириб келган ёш шоиралардан бири Зулфия Мўминовадир. У Абдулла Орипов, Эркин Воҳидов, Омон Матжон, Ҳалима Худойбердиева каби устозлардан илҳом олган. Шоиранинг тўпламдан-тўпламга маҳорати ошиб, изланишлар доираси кенгайиб, у ўзининг дадил овози билан ўқувчилар эътиборини тортди.

Таржимаи ҳол

Зулфия ижодида «Ёнаётган аёл» шеърий гулдастаси китобхонга ҳам, адабий жамоатчиликка ҳам, айниқса, маъқул бўлди.

Зулфия Мўминова 1959 йили Самарқанд вилоятининг Нарпай туманида туғилган. «Қишлоғимиз Ҳоратов тоғининг ён бағрида жойлашгани учун бағоят сўлим ва гўзал табиатли, — деб ёзади у ўз таржимаи ҳолида.

— Бу ерда халқ оғзаки ижодини яхши биладиган, яхши ижро этадиган одамлар яшайди. Шулар қатори менинг раҳматли бобомни Мўмин оқин деб аташган.

Бобом бир неча соатлаб достонлар айтганлар. Орадан йиллар ўтди ва халқ қўшиқларига бўлган ҳавас менинг қалбимда шеърга бўлган интилиш уруғини сочди.

Ўзбек адабиётига 80-йилларда кириб келган ёш шоиралардан бири бўлдим. Бу йиллар бирор ҳафта ёки кун йўқ эдики, шеърият ҳақида баҳс ва суҳбатлар бўлмаган бўлса. Бу баҳс ва мунозараларда чархланди. Абдулла Орипов, Эркин Воҳидов, Омон Матжон, Ҳалима Худойбердиева каби устозлардан илҳом олди...»

Зулфия шу йилларда Тошкент давлат университетининг "Филология" факультетини битирди (1983). «Саодат» журнали ва радиода ишлади.

Шоиранинг дастлабки шеърий тўплами 1988 йилда «Ватан ташлаб кетмайди» номи билан нашр бўлган. Шу йили унинг яна «Бешикларни асрагин, дунё», 1993 йилда эса «Ёнаётган аёл» шеърий китоблари олам юзини кўрган.

Шоиранинг тўпламдан-тўпламга маҳорати ошиб борди. «Бешикларни асрагин, дунё» тўпламида шоиранинг изланишлар доираси кенгайиб, у ўзининг дадил овози билан ўқувчилар эътиборини тортди. Зулфия ижодида «Ёнаётган аёл» шеърий гулдастаси китобхонга ҳам, адабий жамоатчиликка ҳам, айниқса, маъқул бўлди.

У ҳаммадан, яхши одамлардан, гўзаллик ва ҳурлиқдан, иффатли ва иболи аёллардан, меҳрибон ва мушфиқ оналардан, табиат ва Ватан жамолидан ҳайратланади. Айни чоғда ёмонлардан, қора ниятли, чиркин юраклардан бетоқат бўлади, нафрати ҳалқумига сиғмайди. Қаранг:

Дунё яхши дедим, дунё гул, дедим,
Дунё ёмон, деди ёмонлар.
Яхшиларга етиб келгунча
Юрагимни еди ёмонлар.

Шоиранинг янги шеърий армуғони «Азизим, бахтиёрман» (1997) деб аталади.

Хато тўғрисида маълум қилиш Транслит