Қурбонов Акобир Собир ўғли


3920

Туғилган сана: 1975 Июл 29
Тўғилган жойи: Бухоро
Йўналишлар: Спортчилар

1975 йилнинг 29 июлида Бухорода туғилган. Самбо бўйича тўрт карра Осиё чемпиони, Жаҳон универсиадаси голиби, жаҳон кубоги соҳиби, жаҳон чемпиони. Миллий кураш бўйича жаҳон чемпиони. "Ўзбекистон ифтихори" фахрий унвони ҳамда "Узбекистан белгиси" кўкрак нишони билан такдирланган.

Таржимаи ҳол

Самбо бўйича икки карра жаҳон чемпиони Собир Қурбонов ўғли Акобирда ёшлигидан кураш ва самбога қизиқиш уйғотди.

Ёш Акобир 1995 йили юлдузли онларни бошдан кечирди. Чунки у ёшлар ўртасида Осиё чемпиони (Бишкек), Нови-Содда Жаҳон универсиадаси ғолиби ва Софияда жаҳон чемпиони бўлди. Айниқса, Софиядаги кураши диққатга сазовор, у жароҳатланганига қарамасдан чидам билан охиригача курашди ва шоҳсупанинг энг юксак поғонасидан жой олди.

1997 йили Акобир Улан-Баторда катталар ўртасида Осиё чемпионатида биринчи ўринни эгаллади. Россиянинг Кстова шаҳрида эса жаҳон кубогини қўлга киритди. 1998 йили Тошкентда, 1999 йили Сингапурда бўлган Осиё чемпионатларида унга бас келадиган рақиб топилмади.

Кураш турлари моҳиятан бир-бирига яқин. Шу боис Акобир самбодан ташкари, дзюдо ва миллий кураш бўйича ҳам мамлакат чемпионатларида ғалаба қозонган. Айниқса, унинг миллий кураш бўйича Тошкентда ўтказилган биринчи жаҳон чемпионатидаги ғалабаси мамлакатимиз спорт тарихига зарҳал ҳарфлар билан ёзилди. Ўшанда бухоролик полвон бири биридан чиройли усуллар қўллаб, рақибларини мағлуб этди, хорижлик мутахассислар дилида миллий курашимизга нисбатан катта қизиқиш уйғотди.

Акобир Қурбоновнинг нияти миллий кураш бўйича иккинчи бор жаҳон чемпиони бўлиш.


Хато тўғрисида маълум қилиш Транслит