Сергеев Вячеслав Алексеевич


1762

Туғилган сана: 1961 йил
Тўғилган жойи: Тошкент
Йўналишлар: Спортчилар

Сергеев Вячеслав Алексеевич- Академик эшкак эшиш (байдарка ва каноэ) бўйича олий тоифали мураббий ҳамда миллий терма жамоа мураббийи.

У 1961 йили Ташкент шаҳрида таваллуд топган. Болалигида спортнинг турли йўналишлари бўйича шуғулланган. Аввлига футбол, кейинчалик ўсмирлар жамоасида ҳоккей билан шуғулланган. Барчаси тасофид туфайли рўй берди, деб хотирлайди. 1975 йилда у ўқиб юрган мактабга Виктор Филимонов эшкак эшиш спорти бўйича мураббий бўлиб ишга келади ва синфдаги барча болаларни академик эшкак эшиш спорт тўгарагига таклиф этади.

Мендан бошқа барча болалар боришди, фақат мен бормадим. Анча вақт ўтгандан сўнг, ўсмирлик қизиқишларим устунлик қилиб, синфдош дўстларимни кузатиш учун машғулот жараёнини кўздан кечирдим. Жараёнини кузатиш вақтида мен ўз қароримни қабул қилдим, дейди Сергеев. Машғулот ўтаётган 15 нафар болалар орасидан фақатгина Сергеев шу спорт турига ҳаётини бағишлади.

1980 йили Сергеев Байдарка ва каноэ бўйича “Спорт Устаси” унвонини олди.

1978 йилда Ўзбек Давлат жисмоний тарбия институтига ўқишга кирди. Институтни тугатгач, 1982 йилда «Буревестник» Жисмония тарбия ва спорт жамиятига ишга кирди. Ҳудди шу йилнинг ноябрь ойида ҳарбий хизматни ўташга кетди. Ҳарбий хизматни ўтаб 1,5 йилдан сўнг яна «Буревестник» жисмония тарбия ва спорт жамиятига мураббий бўлиб ишга келади.

Академик эшкак эшиш (байдарка ва каноэ)бўйича миллий терма жамоанинг мураббийи бўлиши билан бир қаторда у Республика Олимпия заҳиралари мактабида ҳам ўз фаолиятини олиб борди.

2006-2010 йиларда Сергеев ўсмирлар жамоасининг катта мураббийи лавозимида фаолият кўрсатди. Республика Олимпия заҳиралари мактабида у миллий терма жамоага муносиб шогирдлар тайёрлади. Тан олиб айтиш керакки, миллий терма жамоада у етиштирган спортчилар талайгина. У ўзининг муносиб шогирдлари билан 2010 йили Осиё ўйинлари мусобақасида қатнашди. Айнан шу жамоа “олтин”( каноэда -1000 метрга сузиш бўйича 4 нафар эркаклардан иборат) медални, “кумуш”(какоэда - 200 метр, икки нафар эркакдан иборат) медални ва А.Мочалов бронза медалини ватанимизга тақдим этди.

Табиий ҳолки, бугунги кунда маҳоратли спортчилар Сергеевнинг энг яқинлари, шу билан бирга фарзандлариҳамдир. Унинг шогирди Дина Байтасова ҳозирда мураббий бўлиб фаолият кўрсатиб келмоқда, унинг қўл остидаги истеъдодли тарбияланувчиларни Сергеев ҳазил аралаш менинг “набираларим” дея тилга олади.

Сергеев 2007 - 2010 йиллар давомида аёллар терма жамоасида ҳам фаолият олиб борди. 2009 йили унинг қўл остида тарбияланувчи шогирдлари Осиё ўйинларида олий сифатли медални қўлга киритишди.

Хулоса ўрнида шуни айтиш мумкинки, Вячеслав Сергеев Республика ва Халқаро миқёсдаги мусобақаларда кўплаб чемпион ва совриндорларни етиштирди. 

Мураббийлик фаолиятида эришган натижалари:


Н. Пищулина- Осиё ўйинлари совриндори (2002);

Д. Стрижков- Осиё ўйинлари совриндори (2002);

О. Умаралиева – Осиё чемпионати совриндори (2005);

М. Мехеда- Осиё чемпиони (2009);

М. Ван- Осиё чемпионати совриндори;

А. Пекут- ўсмирлар ўртасида Осиё чемпиони (2009).

Сергеевнинг етакчи шогирдларидан А. Мочаловнинг эришган ютуқлари:


                                                              Ўсмирлар ўртасида Жаҳон чемпионати
олтин К-1, 1000 метр 2009 йил Ўсмирлар ўртасида чемпион
Осиё ўйинлари
олтин К-4, 1000 метр Гуанжо 2010 йил
                                                              Олимпия ўйинлари
олтин К-1, 1000 метр Ж.Корея 2014
бронза К-4, 1000 метр Ж.Корея 2014
                                                             Осиё Чемпионати
кумуш К-2, 1000 метр Эрон 2011 йил
олтин К-1, 500 метр Самарқанд 2013 йил
олтин К-1, 1000 метр Самарқанд 2013 йил
олтин К-4, 1000 метр Самарқанд 2013 йил
олтин К-4, 1000 метр Индонезия 2015 йил
олтин К-1, 1000 метр Хитой 2017 йил

  

Вячеслав Сергеев мураббийлик фаолиятида жамоа бўлиб ишлашни афзал кўради. Унинг фаворити йўқ. Унинг приципиал позицияси ҳам шунда. Сергеевнинг тамойилларига кўра, агар спорчи иқтидорли бўлса, у албатта лидер бўла олади. У аниқ натижани кўрсатиш учун тажриба-синовдан ўтказишни ёқтиради.

Хато тўғрисида маълум қилиш Транслит