Тўраев Фарҳод Рустамович


3261

Туғилган сана: 1974 Июн 14
Тўғилган жойи: Бухоро
Йўналишлар: Спортчилар

1974 йилнинг 14 июнида Бухоро вилоятида туғилган. Дзюдо бўйича Осиё чемпионатининг кумуш ва бронза медаллари совриндори, жаҳон чемпионатининг кумуш медали соҳиби. "Ўзбекистон Республикасида хизмат курсатган спортчи" фахрий унвони билан такдирланган.

Таржимаи ҳол

Дзюдо бўйича таниқли мураббий, Ўзбекистонда хизмат курсатган спорт устози Рустам Тўраевнинг бу фарзанди 7 ёшидан дзюдо билан шуғулланган.

1991 йилдан Чирчикдаги республика олимпия ўринбосарлари билим юртида ўз маҳоратини оширган.

1995-1996 йилларда қатор халқаро мусобақаларда ғолиб чиққан Фарҳод Тўраев мамлакат терма жамоасига таклиф этилди. У 1997 йилда Филиппин пойтахти Манилада ўтказилган Осиё чемпионатида кумуш медални қўлга киритиб, ўзига билдирилган ишончни оклади. Ўша йили Хорватияда бўлиб ўтган ҳарбий-спортчилар жаҳон чемпионатида эса бронза медалига сазовор бўлди.

Германияда уюштириладиган Гран-при мусобақаси алоҳида нуфузга эга. 1998 йили Мюнхенда Фарҳод Тўраев ушбу турнир голиби бўлиб, жаҳон дзюдо мутахассислари эътиборини ўзига қаратди.

Фарҳод 1999 йили Англиянинг Бирмингем шаҳрида бўлиб ўтган жаҳон чемпионатида кумуш медаль соҳиби бўлди. Бу ўзбек дзюдочиларининг жаҳон чемпионатидаги биринчи медали эди.

Сидней олимпиадаси қатнашчиси Фарҳод Тўраев мамлакатимиз чемпионлигини мунтазам равишда қўлдан бермай келаётир.

Яқинда Германияда ўтган Гран-при турнирида у уч йил аввалги шарафли ғалабасини яна такрорлади.

Хато тўғрисида маълум қилиш Транслит