Тўлаганов Карим


2852

Туғилган сана: 1973 Июл 28
Тўғилган жойи: Тошкент
Йўналишлар: Спортчилар

1973 йилнинг 28 июлида Тошкент вилоятида туғилган. Бокс бўйича Марказий Осиё ўйинлари чемпиони. Осиё чемпионати ғолиби ва Олимпия ўйинларининг бронза медали совриндори. "Ўзбекистон Республикасида хизмат кўрсатган спортчи" фахрий унвони, «Меҳнат Шуҳрати» ордени билан тақдирланган.

Карим ёшлигидан "Пахтакор" ўйингоҳи қошидаги болалар ва ўсмирлар бокс мактабида таълим олган. Мураббийлар Феликс Пак ва Ўасан Муҳамедов раҳбарлигида ўз маҳоратини оширган.

Карим боксчи сифатида 1995 йили ном чиқарди. Тошкентда ташкил этилган Марказий Осиё ўйинларида 71 килограмм вазн тоифасида ғолиб чикди.

Кейинчалик пойтахтимизда ўтказилган Осиё чемпионатида бронза медалига сазовор бўлди. Таиландда ўтган мусобақада эса Атланта йўлланмасини қўлга киритди.

У 1996 йилнинг бошида Ўзбекистон чемпионатида биринчи ўринни эгаллаб, ўзининг спорт маҳоратини кўрсатди. Ўша йили АҚШнинг Атланта шаҳрида ўтказилган ХХVI Олимпия ўйинларида Карим дастлаб аргентиналик Томасни 12:4 ҳисобида мағлубиятга учратди. Сўнгра эфиопиялик Волдони устидан 13:9 ҳисобида ғалаба қозонди ва олимпиада бронза медалини қўлга киритди.

Карим Тўлаганов 1999 йили Ўзбекистон чемпионатининг кумуш медалига муяссар бўлди. У спорт соҳасидаги самарали хизматлари учун Ватанимизнинг "Меҳнат Шуҳрати" ордени билан такдирланган.

Хато тўғрисида маълум қилиш Транслит