Тошпулатова Шохсанамхон Дилшодбек қизи


1856

Туғилган сана: 1997 Май 4
Тўғилган жойи: Андижон
Йўналишлар: Спортчилар

2015 йил 22 декабрдан Сузиш бўйича Ўзбекистон Миллий Паралимпия терма жамоаси аъзоси

У 04.05.1997 йил Андижон вилояти, Андижон шаҳрида туғилган. Миллати — ўзбек. 2013 йилдан Андижон шаҳар академик лицейи 3 босқич ўқувчиси.

Ш.Тошпулатова республикамиз ва халқаро миқёсда ўтказилаётган нуфузли спорт мусобақаларида муваффақиятли иштирок этиб, спортнинг сузиш тури бўйича мамлакатимиз шарафини муносиб ҳимоя қилаётган умидли спортчиларимиздан биридир.

У ўзининг спортдаги фаолияти давомида кўплаб ютуқларни ва ффахрли ўринларни қўлга киритган. Жумладан, 2010 йил Германияда (Эрланген) сузиш бўйича Халқаро турнирда 1-ўринни 3 та олтин медални қўлга киритган.

2013 йил Сант-Дизерда (Франция) «Брагард-2013» халқаро турнири, Нанджингда (Хитой) Осиё Ёшлар ўйинлари чемпионати иштирокчиси.

2014 йил Тошкентда В.С.Митрофанов хотирасига бағишланган Ўзбекистон Кубогида 13 та 1-ўринни (олтин), 2-ўринни (кумуш) эгаллаган.

2015 йил Тошкентда ўтказилган Ўзбекистон очиқ Қишки чемпионатида 13 1-ўринни (олтин), 8 та 2-ўринни (кумуш) ва 3та 3-ўринни (бронза), Навоийда В.Т.Бондаренко хотирасига бағишланган Республика очиқ турнирда 10 та
1-ўринни, Ўзбекистонда (Тошкент) ўтказилган Ўзбекистон очиқ Ёзги чемпионатида 12 1-ўринни (олтин) ва 5 та 2-ўринни (кумуш) эгаллаган.

2016 йилнинг март ойида Ноусса (Греция)да ўтказилган Ҳалқаро чемпионатда эркин сузиш усулида 50м ва 100м,100м- баттерфляй, 100м брасс, 100м чалқанча ва 200м- комплекс усулларида 1-ўринларни эгаллаб, 6та олтин медални, май ойида Фунчал (Португалия)да ўтказилган Европа очиқ чемпионатида қатнашиб 100м баттерфляй усулида 3-ўрин бронза медали, 50м эркин усулида 3-ўрин бронза медали, 100м чалқанча 2-ўрин кумуш медали ва 200м- комплекс усулида 1-ўрин олтин медали соҳибаси бўлган.

Жорий йилнинг сентябрь ойида Бразилиянинг Рио-да-Жанейро шаҳрида ўтказилган Паралимпия ўйинларида фахрли 3-ўринларни эгаллаб терма жамоамиз ҳисобига яна иккита бронза медалларини қўшиб қўйди.

Жамоат ишларида фаол. “Биз спортчилар оиласимиз” шиори остида маҳаллада ўтказиладиган спорт тадбирларида мунтазам иштирок этиб, аҳоли ўртасида оммавий спортни ривожлантиришга муносиб ҳисса қўшмоқда.

Республикамизда ўтказиладиган барча спорт тадбирларида мунтазам иштирок этиб, аҳоли ўртасида оммавий спортни ривожлантиришга муносиб ҳисса қўшмоқда.

Хато тўғрисида маълум қилиш Транслит