Халилов Игорь


2847

Туғилган сана: 1973 Июн 13
Тўғилган жойи: Бухоро
Йўналишлар: Спортчилар

1973 йилнинг 13 июнида Бухоро вилоятида туғилган. Оғир атлетика бўйича икки бор Марказий Осиё ўйинлари ғолиби, икки карра Осиё чемпиони, Осиё ўйинларининг кумуш ва бронза медаллари совриндори. "Узбекистон белгиси" кўкрак нишони билан такдирланган. 1996 йили Японияда бўлган Осиё чемпионатида бронза медалини қўлга киритди.

Игорь ўн уч ёшидан бошлаб оғир атлетика билан шуғулланиб келяпти. Унга дастлаб П.Шарипов устозлик қилди. Андижондаги республика олимпия ўринбосарлари билим юртида у Ўзбекистонда хизмат кўрсатган спорт устози Александр Ким кўл остида маҳоратини оширди.

Хиросимада ўтказилган ХIII Осиё ўйинларида оғир вазн тоифасида катнашган Игорь икки машқда 385 килограмм тош кўтариб, учинчи ўринни эгаллади. 1996 йили Японияда бўлган Осиё чемпионатида ҳам бронза медалини қўлга киритди.
У 1997 йили Хитойда ўтказилган Осиё чемпионатида 390 килограмм натижа билан шоҳсупанинг биринчи поғонасига кўтарилди. Ўша йили Олмаотада ташкил этилган Марказий Осиё ўйинларида яна зафар қучди. Албатта, бўйи қарийб 2 метр, оғирлиги тахминан 135 килограмм бўлган полвонга 400 килограммдан кам тош кўтариш ярашмайди. У 1998 йили Бангкокда бўлиб ўтган Осиё ўйинларида 420 килограмм натижа билан шоҳсупанинг иккинчи погонасидан жой олди.
1999 йили Бишкекда уюштирилган Марказий Осиё ўйинларида Игорь 415 килограмм натижа билан ғолиб чикди. Кейинги йили Японияда ўтган Осиё чемпионатидан олтин медаль билан қайтди.
Сидней Олимпиадасида Игорь ҳар доимгидай оғир вазнда қатнашди. Биринчи - даст кўтариш машқида 185 килограмм натижани кўрсатди. Иккинчи - силтаб кўтариш машқида 225 килограмм, икки машк, якуни бўйича 410 килограмм натижага эришган Игорь Халилов Олимпиадада 13-ўрин эгаси бўлди.

Игорь яқинда Ўзбекистон чемпионатида кучли полвон эканини еттинчи бор исботлади.

Хато тўғрисида маълум қилиш Транслит