​Воронина Екатерина Александровна


1856

Туғилган сана: 1992 Феврал 16
Тўғилган жойи: Тошкент
Йўналишлар: Спортчилар

Екатерина Александровна Воронина 16 февраль 1992 йил таваллуд топган. Кўпкурашликка ихтисослаштирилган Ўзбекистоннинг енгил атлетикачиси. Халқаро турдаги Ўзбекистон Республикаси спорт устаси.

Фаолияти

У Тошкент шаҳрида туғилган. Екатерина 2003 йилдан буён енгил атлетика билан шуғулланади. Унинг биринчи мураббийси Свечникова Елена Юрьевна.

Воронина 2007 йилда Белоруссиянинг Брест шаҳрида ташкил этилган I Евроосиё спорт ўйинларида найза отиш бўйича 40.86 метр узоқликка отиб, кумуш медаль соҳибаси бўлган.

Екатерина Бриксан  (Италия) шаҳрида бўлиб ўтган ўспирин ва қизлар ўртасидаги дунё чемпионатида найза отишда 46.13 метр узоқликка отиб, 14 ўрин билан тақдирланган.

У 2010 йилдан Андреев Павел Владимирович мураббийлиги қўл остида шуғулланди.

2011 йилда Екатерина етти кураш бўйича Ўзбекистон чемпиони бўлди ва спорт устаси нормативини бажариб, 5287 очкони қўлга киритди.

2013 йил у Осиё вице-чемпионига айланди.

У 2014 йил Осиё қишки чемпионатида тўртинчи ўринни эгаллади. Инчхондаги Универсиадада шоҳсупанинг юқори чўққисига кўтарилади.

2015 йил февраль ойида Таллинда бўлиб ўтган «European Athletics Permit Meetings - 2015» босқичида бешжанглик бўйича 4014 очкони қўлга киритиб, Ўзбекистонда рекорд натижага эришади.

Екатерина Ўзбекистон чемпионатида иккита олтин медаль (ядро улоқтириш – 12.88 метрга, баландликка сакраш – 1.77 метр) ва битта бронза медаль (60 метр тўсиқни босиб ўтгани учун – 9.85 с) соҳибасига айланади.

У 2015 йил Осиё чемпиони шарафига муяссар бўлган. Дунё чемпионатида 24-ўринни эгаллайди.

2016 йил Рио де Жанейродаги Олимпия ўйинларида иштирок йўлланмасини қўлга киритган.

Халқаро медаллари
Осиё чемпионати
Олтин Ухань 2015 еттикураш
Кумуш Пуна 2013 еттикураш
Осиё ўйинлари
Олтин Инчхон 2014 еттикураш
Хато тўғрисида маълум қилиш Транслит