Йўлчиева Муножат


2369

Туғилган сана: 1960 Ноябр 26
Тўғилган жойи: Андижон
Йўналишлар: Қўшиқчилар

Муножат Йўлчиева ўзбек мумтоз ашулаларининг моҳир ижрочиси. Мустақиллик шарофати ила Ўзбекистон дунёга юз тутаётган тарихий даврда Муножат Йўлчиева ва унга ўхшаш истеъдодли хонандаларимиз хорижий мамлакатларга концерт сафарларига чиқиш имкониятига эришиб, ўз санъатлари билан дунё томошабинлари олқишига сазовор бўлиб, ўзбек мумтоз мусиқаси, ашула санъатининг ноёб дурдоналарини дунё халқлари ўртасида кенг тарғиб этиб, қадимий санъатимиз ва маънавиятимизни кўз - кўз қилмоқдалар.

Таржимаи ҳол

Муножат Йўлчиева 1994 йилда «Ўзбекистон халқ артисти» унвони, 1998 йилда «Эл-юрт ҳурмати» ордени билан тақдирланган. Ўзбек мумтоз ашулаларининг моҳир ижрочиси Муножат Йўлчиева 1960 йилда Андижон вилоятининг Хўжаобод туманидаги Ширмонбулоқ қишлоғида туғилган. 1978-1980 йилларда Тошкент Давлат консерваториясининг Шарқ мусиқаси тайёрлов бўлимида ўқиб, 1985 йилда Тошкент Давлат консерваторияси Шарқ мусиқаси факультетининг анъанавий ашула бўлимини тугатди. 1980 йил 9 февралда Ўзбекистон Давлат Телерадиоэшиттиришлари қўмитаси томонидан Алишер Навоий таваллудининг 539 йиллити муносабати билан тайёрланган «Назм ва наво» кўрсатувига устози Шавкат Мирзаев раҳбарлигида қатнашиб, «Муножот» ва «Ушшоқ» ашулаларини ижро этди ва шу қўшиқлари билан эл назарига тушди ва шундан сўнг Ўзбекистон Давлат Телерадиоэшиттиришлари қўмитаси қошидаги мақомчилар ансамблига ишга таклиф қилинди. 1982 йилгача Мақомчилар ансамблида яккахон хонанда, 1982 йилдан буён Ўзбек Давлат филармониясида яккахон хонанда бўлиб фаолият кўрсатмоқда.
Асосан мақом ашулаларини ижро этиш йўлидан бораётган хонанда ўзининг дилбар ашулалари билан тезда кенг жамоатчилик диққатини ўзига тортди. Ғоят гўзал ва ёқимли овоздан ташқари жуда катта тайёргарлик асосида айтиладиган «Сараҳбори наво», «Сараҳбори Дугоҳ», «Ушшоқ», «Дугоҳи Ҳусайний», «Чоргоҳ», «Сафти Чоргоҳ», «Баёти Шерозий талқинчаси», «Гиря» каби мақом ашулалари, «Эй, дилбари жононим», «Фарғонача Шаҳноз» катта ашулалари, «Ўлтурғуси», «Дашт-наво», «Ғунча янглиғ», «Тановар», «Излайман» халқ ашулалари, «Меҳнат аҳли», «Айладинг», «Ниҳон этди», «Бул ажаб», «Ким кейин - ким илгари», «Лаъли Яман» ва бошқа қатор дурдона ашулалар Муножат Йўлчиева репертуаридан мустаҳкам ўрин олган.


Асл мусиқа миллат танламайди, чунки яхши мусиқа, куй ва ашулани турли миллат тингловчилари ҳам мароқ билан эшитиб, ором олади. Шунинг учун ҳам хонанданинг юракдан айтиладиган оҳанграбо ашулалари фақат халқимизнинггина эмас, балки у концерт сафарларида бўлган Америка, Франция, Бельгия, Голландия, Олмония, Гонконг, Бразилия, Италия ,Норвегия, Марокаш ва бошқа қатор мамлакатларнинг санъат мухлисларини ҳам мафтун этди.

Хонанданинг ўзи эътироф этишича, яхши мусиқа ва ашулани чуқур ҳис этадиган, ундан ором олишга одатланган фаранг санъат шинавандалари ҳам унинг ўзбек мумтоз ашулаларини самимият билан кутиб олдилар ва завқ-шавқ билан тингладилар. Мустақиллик шарофати ила Ўзбекистон дунёга юз тутаётган тарихий даврда М. Йўлчиева ва унга ўхшаш истеъдодли хонандаларимиз хорижий мамлакатларга концерт сафарларига чиқиш имкониятига эришиб, ўз санъатлари билан дунё томошабинлари олқишига сазовор бўлиб, ўзбек мумтоз мусиқаси, ашула санъатининг ноёб дурдоналарини дунё халқлари ўртасида кенг тарғиб этиб, қадимий санъатимиз ва маънавиятимизни кўз - кўз қилмоқдалар.

1991 йили Америкада «Осиё жамияти» Муножат Йўлчиева ва созанда Турғун Алиматов ижро этган қўшиқлар аудио-кассетасини, 1995 йили Франциянинг «Окора» фирмаси Муножат Йўлчиеванинг ашулалари ёзилган компакт диск пластинкасини чиқарган бўлса, 1998 йилда Олмонияда «Нитворк» фирмаси хонанданинг иккинчи дискини чиқарди. Буларнинг бари истеъдодли ўзбек хонандасига чет эл санъат мухлисларининг катта ҳурмат ва эҳтиромининг рамзидир.

Муножат Йўлчиева мустақиллик даврида орзуларига эришган санъаткордир. У 1994 йилда «Ўзбекистон халқ артисти» унвони, 1998 йилда «Эл-юрт ҳурмати» ордени билан тақдирланди.

Хато тўғрисида маълум қилиш Транслит