Ёрбеков Дилшод


3577

Туғилган сана: 1974 Январ 5
Тўғилган жойи: Самарқанд
Йўналишлар: Спортчилар

1974 йилнинг 5 январида Самарқанд вилоятида туғилган. Бокс бўйича Осиё чемпиони, Осиё ўйинларининг кумуш ва бронза медаллари совриндори, Жаҳон чемпионати ва кубоги ҳамда Яхши ният ўйинлари бронза медаллари соҳиби. "Ўзбекистон Республикасида хизмат кўрсатган спортчи" фахрий унвони, "Дўстлик" ордени, "Ўзбекистон белгиси" кўкрак нишони билан тақдирланган.

Дилшод Ёрбеков ёшлигидан боксга ихлос қўйган, унинг сирларини устози Каржамановдан ўрганган. Дастлабки ютуққа 1994 йили эришган. Хиросимада Осиё ўйинларининг бронза медалини кўлга киритган.

1995 йили Берлинда ўтган жаҳон чемпионатида 75 килограмм вазн тоифасида у яна бронза медалига сазовор бўлди.

Дилшод Ёрбеков Тошкентда ўтказилган Марказий Осиё ўйинлари ва Осиё чемпионатида шоҳсупанинг энг юқори поғонасига кўтарилди. 1996 йили Атланта Олимпиадасида у гарчи шоҳсупага кўтарилмаган бўлса-да, чемпионликка асосий даъвогар эканини намойиш этди.

1998 йил Дилшод Ёрбеков Хитойнинг Чонг-Гинг шаҳрида бўлиб ўтган Жаҳон кубоги ва Нью-Йорк шаҳрида ўтказилган Яхши ният ўйинларида бронза, Бангкок шаҳрида ташкил этилган ХIII Осиё ўйинларида шарафли кумуш медалларини қўлга киритди.

Хато тўғрисида маълум қилиш Транслит